کامن ویلتھ گیمز 2022: سندھو کے بعد لکشیہ سین نے بھی کیا کمال، حاصل کیا طلائی تمغہ

Source: S.O. News Service | Published on 8th August 2022, 10:44 PM | اسپورٹس |

برمنگھم،8؍اگست (ایس او نیوز؍ایجنسی) ہندوستان کا کامن ویلتھ گیمز میں شاندار مظاہرہ جاری ہے۔ ویٹ لفٹنگ، کشتی کے بعد اب ہندوستانی بیڈمنٹن اسٹارس نے کمال کر دیا۔ پی وی سندھو کے بعد بیڈمنٹن اسٹار لکشیہ سین نے کامن ویلتھ گیمز 2022 کے بیڈمنٹن سنگلز فائنل میں ملیشیا کے تجے ینگ کو شکست دے کر طلائی تمغہ اپنے نام کیا ہے۔

لکشیہ سین نے پہلا گیم ہارنے کے بعد زوردار جوابی حملہ کیا اور ملیشیا کے تجے ینگ کو 21-19، 9-21، 16-21 سے شکست دے دی۔ یہ کامن ویلتھ گیمز 2022 میں ہندوستان کا 22واں طلائی تمغہ ہے۔ علاوہ ازیں بیڈمنٹن میں آج ہندوستان نے دوسرا طلائی تمغہ حاصل کیا ہے۔ قابل ذکر ہے کہ کامن ویلتھ گیمز 2022 میں ہندوستان کے پاس اب تک 22 طلائی، 15 نقرئی اور 23 کانسے کا تمغہ جمع ہو چکا ہے۔

اس سے قبل ہندوستان کی پی وی سندھو نے آج ہی سیدھے گیم میں فائنل میں کناڈا کی مشیل لی کو ہرا کر کامن ویلتھ گیمز کے بیڈمنٹن مقابلے میں اپنا پہلا سنگلز طلائی تمغہ جیتا۔ سندھو نے جارحانہ کھیل کا مظاہرہ کرتے ہوئے گیمز کو اچھی طرح کنٹرول کیا اور اپنے حریف کو زیادہ مواقع نہیں دیے۔ انھوں نے این ای سی میں شو کورٹ میں فائنل میں 15-21، 13-21 سے جیت حاصل کی۔ جیت کے بعد سندھو نے کہا کہ ’’میں طویل مدت سے اس طلائی تمغہ کا انتظار کر رہی تھی، اس لیے میں بہت خوش ہوں۔‘‘

مکسڈ ٹیم مقابلے میں نقرئی تمغہ جیتنے کے بعد سندھو کا برمنگھم کامن ویلتھ گیمز میں یہ دوسرا تمغہ ہے۔ انھوں نے گولڈ کوسٹ میں مکسڈ ٹیم میں طلائی اور نقرئی جیتا تھا۔ شروعاتی گیم میں 4-4 کے اسکور سطح کے ساتھ زوردار مقابلہ ہوا۔ اپنے قد اور اسمیش کا استعمال کرتے ہوئے سندھو نے 8-14 سے سبقت بنا لی اور آخر میں شروعاتی گیم 15-21 سے جیت لیا۔ دوسرا گیم بھی اس طرز پر چلا، جب سندھو نے 6-11 کی شروعاتی سبقت لے لی اور مشیل لی نے کچھ زیادہ جارحانہ طریقے سے کھیلنا شروع کیا، لیکن سندھو نے ان پر 13-19 سے دباؤ بنایا۔ اس کے بعد ہندوستانی شٹلر نے چمپئن شپ پوائنٹ اور طلائی تمغہ اپنے نام کر لیا۔

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...