منشیات معاملہ میں مزاحیہ اداکارہ بھارتی سنگھ گرفتار، شوہر لمباچیا سے پوچھ تاچھ جاری

Source: S.O. News Service | Published on 22nd November 2020, 12:10 AM | ملکی خبریں |

ممبئی،21؍نومبر(ایس او نیوز؍ایجنسی) منشیات مخالف دستہ نارکوٹیک کنٹرول بیورو (این سی بی) نے آج یہاں مزاحیہ اداکارہ بھارتی بھارتی سنگھ اور اس کے شوہر ہرش لمباچیا کو فلمی صنعت میں منشیات کے استعمال کے معاملے میں حراست میں لے لیا اور ان سے اپنی تفتیش کا آغاز کیا۔ بعد ازاں بھارتی سنگھ نے منشیات استعمال کرنے کی بات کا اعتراف کیا جس کے پیش نظر این سی بی نے انھیں گرفتار کر لیا۔ بھارتی کے شوہر لمباچیا سے پوچھ تاچھ فی الحال جاری ہے۔

آج صبح این سی بی کے اعلی افسر سمیر وانکھیڑے کی سربراہی میں ایک دستے نے ٹی وی کے ریالیٹی شو کی مشہور اداکارہ بھارتی سنگھ اور اس کے شوہر کی علحیدہ علحیدہ رہائش گاہوں واقع لوکھنڈوالا کمپلیکس اور ورسووا پر چھاپہ مارا تھا جس کے دوران ایک بڑی مقدار میں گانجہ بھی برآمد کیے جانے کی اطلاع موصول ہوئی ہے۔

چھاپہ مارنے کے بعد این سی بی دونوں کو الگ الگ گاڑیوں میں بیٹھا کر این سی بی کے صدر دفتر بیلاڑ پئر لائی جہاں ان سے فی الوقت تفشیش جاری ہے۔ این سی بی دفتر پہونچنے پر جب میڑیا کے نمائندوں نے بھارتی سنگھ سے سوالات پوچھے تو انہوں نے محض یہ کہا کہ انہیں تفشیش کہ لئے طلب کیا گیا ہے۔ ایجنسی کی موجودہ کارروائی بالی ووڈ اور منشیات مافیا کے گٹھ جوڑ کے بارے میں جاری تحقیقات کا ایک حصہ ہے جس کا این سی بی گزشتہ تین ماہ یا اس سے زیادہ عرصہ سے پتہ لگانے کی کوشش کر رہا ہے۔

فلم ادکار سوشانت سنگھ موت کے معاملے کے بعد فلمی دنیا کی نامور ہستیوں کو نشانہ بنانے والی این سی بی نے ماہ ستمبر سے لے کر اب تک، بالی ووڈ اداکارہ ریا چکربورتی سمیت 20 سے زیادہ افراد کو اپنی حراست میں لیا تھا جس میں ریا کا بھائی شووک، فلم انڈسٹری سے وابستہ دیگر افراد، منشیات کے مالی اعانت کاروں، سپلائی کرنے والوں اور غیر ملکی افراد بھی شامل ہیں۔

ایجنسی نے اب تک اس معاملے میں بالی ووڑ کی جن ہستیوں سے تفشیش کی ہے ان میں اداکارہ دیپیکا پڈوکون، شردھا کپور، سارہ علی خان، ارجن رامپال، اور فلمساز فیروز نادیڈ والا شامل ہیں۔ ناڈیاڈ والا کی اہلیہ شبانہ کو این سی بی نے گرفتار بھی کیا تھا لیکن اس کی رہائش گاہ سے کچھ مقدار میں ‘تجارتی مقدار’ منشیات ملنے کے بعد اسے عدالت نے ضمانت پر رہا کر دیا تھا۔

ایک نظر اس پر بھی

لو جہاد: یوگی حکومت کے ذریعہ منظور آرڈیننس کو سی پی آئی-ایم ایل نے آئین پر حملہ ٹھہرایا

 کمیونسٹی پارٹی آف انڈیا (ایم ایل) کی اترپردیش اکائی نے یوگی کابینہ کے ذریعہ مبینہ لوجہاد پر منظور کیے گئے آرڈیننس کو ملک کے آئین پر حملہ قرار دیتے ہوئے کہا کہ یہ ملکی آئین میں حاصل ایک شہری کو انتخاب، مذہب اور شہری آزادی کے حقوق پر کھلا حملہ ہے۔

شاہین باغ کی دادی ’ٹائم میگزین‘ کے بعد ’بی بی سی‘ کی 100 بااثر خواتین کی فہرست میں بھی شامل

ٹائم میگزین کی 2020 میں 100 سب سے بااثر شخصیات کی فہرست میں جگہ بنانے کے بعد اب شاہین باغ کی بلقیس دادی نے ایک اور کامیابی حاصل کرتے ہوئے ’بی بی سی- 100 ویمن آف دی ایئر‘ میں بھی مقام حاصل کیا ہے۔