پنجاب، ہریانہ میں سردی کا قہر جاری
چنڈی گڑھ،15/جنوری (آئی این ایس انڈیا) پنجاب اور ہریانہ میں جمعہ کو بھی سردی کا قہرجاری رہا۔ 3.8 ڈگری سینٹی گریڈ درجہ حرارت کے ساتھ بھٹنڈا ایک سرد ترین مقام رہا۔ محکمہ موسمیات کے ایک عہدیدار نے یہ اطلاع دی۔
دونوں ریاستوں میں متعدد مقامات پر گھنے کہرے چھائے رہے جس کی وجہ سے دیکھنے کی صلاحیت کم ہوگئی اور مسافروں کو پریشانیوں کا سامنا کرنا پڑا۔پنجاب کے امرتسر میں کم سے کم درجہ حرارت 4.8 ڈگری سینٹی گریڈ، لدھیانہ میں 6.8 ڈگری سینٹی گریڈ اور پٹیالہ میں 6.4 ڈگری سینٹی گریڈ ریکارڈ کیا گیا۔پٹھان کوٹ، آدم پور، ہلوارہ اور گرداس پور میں کم سے کم درجہ حرارت بالترتیب 7.8 ، 6.2، 5.7 اور 11.8 ریکارڈ کیا گیا۔ہریانہ کے امبالا، حصار اور کرنال میں کم سے کم درجہ حرارت بالترتیب 4.8 ° C، 5.5 ° C اور 6.4 ° C ریکارڈ کیا گیا۔نارنول، روہتک، بھوانی اور سرسا میں درجہ حرارت بالترتیب 6.3 ° C، 7.8 ° C، 7.6 ° C اور 6.7 ° C ریکارڈ کیا گیا۔دونوں ریاستوں کی مشترکہ دارالحکومت چنڈی گڑھ میں درجہ حرارت7.2 ڈگری سینٹی گریڈ ریکارڈ کیا گیا، جو معمول سے دو ڈگری زیادہ ہے۔