2021 تک میٹرو فیز 2- کا کام مکمل ہوجائے گا: وزیر اعلیٰ بی ایس ایڈی یورپا

Source: S.O. News Service | Published on 10th February 2020, 12:46 PM | ریاستی خبریں |

بنگلورو،10/فروری (ایس او نیوز) وزیر اعلیٰ بی ایس ایڈی یورپا نے ہفتہ کی صبح ودھان سودھا کے روبرو بی بی ایم پی کے مختلف پروگراموں کے افتتاح کے موقع پر خطاب کے دوران دعویٰ کیا کہ شہر بنگلور میں جاری میٹرو فیز 2- کے کام دسمبر 2021 تک مکمل ہوجائیں گے- 2022 سے شہر میں میٹرو ریل سروس مزید علاقوں تک پھیل جائے گی- ایڈی یورپا نے سہایا2.0 اپلی کیشن نما بنگلور ایپ، پی یو ایس جرمانہ وصول کرنے والی مشین، بی بی ایم پی ایمبولینس اور شہر کے راستوں سے کوڑا صاف کرنے والی نئی نوعیت کی مشین ودیگر کا افتتاح کیا- انہوں نے کہا کہ بنگلور شہر میں 2025ء تک 300 کلومیٹر میٹرو ریل لائن فراہم ہوجائے گی- آؤٹر رنگ روڈ تا ایر پورٹ میٹرو ریلوے لائن کا کام بھی 2023ء تک مکمل ہوجائے گا-سبربن ریلوے نظام کا کام بھی 3سال کے اندر مکمل ہوجائے گا- بنگلور شہر کو ترقی دینے کے لئے 2027ء تک پر فیرل رنگ روڈ اور آؤٹر رنگ روڈ کے کام بھی مکمل کردئے جائیں گے- ایڈی یورپا نے کہا ہے کہ 2022ء تک پہلے مرحلہ میں وہائٹ فیلڈ، آؤٹر رنگ روڈ، آئی ٹی پی ایل کے آئی ٹی ہب کو جوڑنے کا کام اور ساتھ ہی یشونت پور پینیا انڈسٹریل ایریا کو جوڑنے والے پراجکٹوں کو بھی مکمل کردیا جائے گا- وزیر اعلیٰ نے بی بی ایم پی کی ستائش کرتے ہوئے کہا کہ بی بی ایم پی کی جانب سے شہریوں کو نت نئی سہولتیں فراہم کی جارہی ہیں، عوام کے لئے اپنی شکایت درج کروانے بی بی ایم پی نے سہایا ایپ تیار کیا ہے- جس کی مدد سے عوام اب راست طور پر بی بی ایم پی کمشنر تک اپنی شکایت پہنچاسکتے ہیں - شہر کی سڑکوں کی صفائی پر خاص توجہ دے کر اب جدید آلات سے لیس سوئپنگ مشینوں کو بی بی ایم پی نے حاصل کرلیا ہے- بی بی ایم پی کی جانب سے شہر میں 6بڑے اسپتال، 26میٹرنیٹی اسپتال اور 85پرائمری ہیلتھ یونٹ چلائے جارہے ہیں، یہاں بہتر علاج کے لئے اب بی بی ایم پی کی اپنی ایمبولنس گاڑیاں بھی شروع کی گئی ہیں - وزیر اعلیٰ نے پروگرام کے دوران 6ایمبولنس اور 15کوڑا صاف کرنے والی مشینوں کا اجرا کیا- پی یو ایس جرمانہ وصول کرنے والی مشین کا بھی انہیں کے ہاتھوں اجرا عمل میں آیا- پروگرام میں بی بی ایم پی کمشنر ایل کمار نے خیر مقدمی تقریر کی- میئر گوتم کمار، ریاستی وزراء آر اشوک، وی سومنا، گوپالیا، ایس ٹی سوم شیکھر، بی بی ایم پی لیڈر مہیندر کمار، کارپوریٹرس موہن کمار، لکشمی نارائن ودیگر اہم افسروں نے پروگرام میں شرکت کی-

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔