بنگلورو،12؍مئی (ایس او  نیوز) کانگریس کے سینئر لیڈر و رکن کونسل سی ایم ابراہیم نے آج کہا کہ ریاست میں کانگریس جے ڈی ایس مخلوط حکومت مستحکم ہے۔ وزیراعلیٰ ایچ ڈی کمار سوامی اپنی پانچ سالہ میعاد پوری کریں گے۔ حکومت کے لئے کوئی خطرہ نہیں جیسا کہ بی جے پی لیڈران دعویٰ کررہے ہیں کہ لوک سبھا انتخابات کے نتائج کے بعد ریاستی مخلوط حکومت گرجائے گی۔ انہوں نے کہا کہ بی جے پی کے ریاستی صدر بی ایس ایڈی یورپا بوکھلا گئے ہیں، اس لئے آئے دن کچھ نہ کچھ انا پ شناپ بکتے رہتے ہیں۔ انہوں نے مزید کہا کہ ایڈی یورپا کو ریاستی حکومت کی فکر چھوڑ کر اپنا عہدہ بچانے کی فکرکرنا چاہئے۔