بنگلورو شہر کے بارش سے متاثرہ علاقوں میں وزیر اعلیٰ بومئی کا سٹی نائٹ راؤنڈ

Source: S.O. News Service | Published on 8th September 2022, 11:08 AM | ریاستی خبریں |

بنگلورو،8؍ستمبر(ایس او  نیوز)بارش کی وجہ سے شدید نقصان کا سامنا کر رہے شہر بنگلور کے مقامات کا وزیر اعلیٰ بسواراج بومئی نے منگل کی دیر رات دورہ کر کے جائزہ لیا۔ بارش کی وجہ سے شدید طورپر متاثر یملور اور بیلندور حدود کا بومئی نے بروہت بنگلور مہا نگر پالیکے(بی بی ایم پی) زونل افسر ڈمقامی رکن اسمبلی کے ہمراہ دورہ کیا،وزیر اعلیٰ کو جیپ کے ذریعہ متاثرہ علاقوں کو لے جایا گیا۔

اس موقع پر وزیر اعلیٰ نے مہا دیو پورہ کے بی بی ایم پی زونل کمشنر وینکٹا چلا پتی کو ہدایت دی کہ بارش سے متاثرہ افراد کو معاوضہ ادا کریں اوربارش کا پانی باہر نکالنے کا مناسب انتظام کریں۔ اس موقع پر مقامی رکن اسمبلی اروند لمباولی،وزیر اعلیٰ کے سکریٹری این منجوناتھ پرساد حاضر رہے۔ ریاستی وزیر امیش کتی کے انتقال کی اطلاع ملتے ہی وزیر اعلیٰ نے سٹی راونڈس کو ختم کیا اور ایم رامیا اسپتال روانہ ہو ئے۔متاثرہ علاقوں کے دورہ سے قبل نامہ نگاروں کو وزیر اعلیٰ نے بتا یا کہ ریاست میں بارش کی اس صورتحال کا سامنا تمام متحدہ طور پر کریں اس میں سیاست نہ کی جا ئے۔

انہوں نے بتا یا کہ بی بی ایم پی افسران گزشتہ چار دنوں سے24گھنٹے خدمت انجام دے رہے ہیں،بی بی ایم پی عملہ،افسران اور زونل کمشنر ایمانداری کے ساتھ خدمت انجام دے رہے ہیں،جو قابل تعریف ہے۔ انہوں نے کہا کہ شہر میں موسلادھار بارش کی وجہ سے یہ تباہی مچی ہے،ایسے موقع پر ایک دوسرے پر کیچڑ اچھالنے کی بجائے تمام متحد ہو کر تعاون کریں۔وزیر اعلیٰ نے کہا کہ بی بی ایم پی کے آٹھوں زونس میں سے7زونس میں صورتحال قابو میں ہے،مہا دیو پورہ میں غیر قانونی در اندازی سے مسئلہ پیدا ہوا ہے۔

انہوں نے کہا کہ اس مشکل گڑی میں اپوزیشن جماعتوں کو بھی حکومت کا تعاون کرنا چائیے،سیاست کرنے کا یہ موقع نہیں ہے۔ انہوں نے کہا کہ تمام ماہرین،بی بی ایم پی کے تمام وظیفہ یاب افسران،کمشنرز،ملاز مین کے ساتھ مشورہ کریں اور عوام کی رائے بھی طلب کریں۔

ایک نظر اس پر بھی

بجٹ 2023: ’کوئی امید نہیں، بجٹ ایک بار پھر ادھورے وعدوں سے بھرا ہوگا‘، سدارمیا کا اظہارِ خیال

یکم فروری کو مرکز کی مودی حکومت رواں مدت کار کا آخری مکمل بجٹ پیش کرنے والی ہے۔ مرکزی وزیر مالیات نرملا سیتارمن کے ذریعہ بجٹ پیش کیے جانے سے قبل بجٹ 2023 کو لے کر کانگریس کے کچھ لیڈران نے اپنے خیالات ظاہر کیے ہیں۔

کرناٹک ہائی کورٹ کی وارننگ، کہا: چیف سکریٹری دو ہفتوں میں لاگو کرائیں حکم

کرناٹک ہائی کورٹ نے منگل کو انتباہ دیا کہ اگر ریاستی حکومت دو ہفتوں کے اندر سبھی گاؤں اور قصبوں میں قبرستان کے لئے زمین فراہم کرانے کے اس کے حکم پر عمل درآمد کرنے میں ناکام رہتی ہے تو وہ چیف سکریٹری کے خلاف توہین عدالت کی کارروائی شروع کرنے پر مجبور ہوجائے گا ۔

منگلورو: محمد فاضل قتل میں ہندوتوا عناصر ملوث ہونے کا دعویٰ - اپوزیشن پارٹیوں نےکیا کیس کی دوبارہ جانچ کامطالبہ 

بی جے پی یووا مورچہ لیڈر پروین نیٹارو قتل کے بدلے میں عناصر کی طرف سے سورتکل میں محمد فاضل کو قتل کرنے کا کھلے عام دعویٰ کرنے والے وی ایچ پی اور بجرنگ دل لیڈر شرن پمپ ویل کے خلاف کانگریس ، جے ڈی ایس اور ایس ڈی پی آئی جیسی اپوزیشن پارٹیوں نے اس قتل کیس کی ازسر نو جانچ کا مطالبہ کیا ...

ٹمکورو میں اشتعال انگیز بیان دینے والے شرن پمپ ویل سمیت دیگر ہندوتوا لیڈروں کے خلاف قانونی کارروائی کا مطالبہ لے کر اے پی سی آر نے ایس پی کو دیا میمورنڈم

حال ہی میں ریاست کرناٹک کے  ٹمکور میں  منعقدہ شوریہ یاترا کے دوران وی ایچ پی لیڈر شرن پمپ ویل نے جو متنازع اور اشتعال انگیز بیان دیا  تھا ، اس پر کٹھن کارروائی کرتے ہوئے اسے گرفتارکرنے کا مطالبہ لے کر  ایسوسی ایشن فار پروٹیکشن آف سوِل رائٹس (اے پی سی آر) کے  ایک وفد نے ٹمکورو ...