وزیراعلیٰ کجریوال کا وعدہ، دہلی مکمل ریاست بنی تو 85 فی صدنوکری دہلی کے لیے محفوظ
نئی دہلی،30 مارچ (ایس او نیوز؍آئی این ایس انڈیا) لوک سبھا انتخابات کا بگل بج چکا ہے اور تمام جماعتوں نے اپنے اپنے حق میں ووٹروں کو لبھانے کے لئے انتخابی ریلیاں شروع کر دی ہیں۔دہلی میں بھی انتخابی مہم زور پکڑتی جا رہی ہے۔دہلی کے وزیر اعلی اور عام آدمی پارٹی کے سرپرست اروند کجریوال نے اپنی ایک انتخابی ریلی میں دہلی کو مکمل ریاست کا درجہ دیے جانے کی مانگ اٹھائی اور ساتھ ہی وعدہ کیا کہ دہلی مکمل ریاست بنی تو 85 فیصد کام مقامی لوگوں کے لئے محفوظ کر دی جائیں گی۔کجریوال نے جمعہ کو مشرقی دہلی لوک سبھا علاقے میں دو ریلیاں کی۔پہلی ریلی نیو اشوک نگر میں اور دوسری مدن پورکھادر علاقے میں۔انتخابی ریلی میں کیجریوال کے نشانے پر وزیر اعظم نریندر مودی تھے۔انہوں نے مرکزی حکومت پر آمریت کرنے، کام پر رکاوٹ ڈالنے کا الزام بھی لگایا۔دہلی کے وزیر اعلی اروندکجریوال نے کہا کہ دہلی سے 12 ویں کرنے والوں کے لئے 85 فیصد نشستیں دہلی کے کالجوں کے لئے ریزرو ہونا چاہئے۔50 نئے کالج کھولنے کے لئے وزیر اعظم نریندر مودی نے گزشتہ 4 سال میں اجازت نہیں دی،اگر مکمل ریاست بنی تو بچوں کے لئے 85 فیصد ریزرویشن ہوگا۔وزیر اعلی کجریوال نے دعوی کیا کہ دہلی کے مکمل ریاست بننے پر 2 سال کے اندر اتنے کالج بنا دوں گا کہ 60 فیصد والے کو بھی دہلی کالج میں داخلہ مل جائے گا۔دہلی کی ساری نوکریاں باہر کے بچوں کو مل جاتی ہے۔85 فیصد روزگار دہلی کے ووٹر کے لئے ریزرو ہونا چاہئے۔انہوں نے مرکزی حکومت کو گھیرتے ہوئے کہا کہ ہم نے سب کہا لیکن مرکزی حکومت نہیں مانی،اب کے اب دہلی میں 2 لاکھ نوکریاں نکل سکتی ہے۔