ہوناور29/جون (ایس او نیوز) بین الاقوامی سطح پر اپنی شناخت رکھنے والا بلیو فلیگ سرٹفکیٹ حاصل کرنے کے لئے ہوناور کے ایکو بیچ پر صفائی مہم چلائی جارہی ہے۔ 

 دہلی سے تعلق رکھنے والے ’یوریکا فوربس‘ کمپنی کو اس بیچ پر مختلف سہولتیں فراہم کرنے کا ٹھیکہ دیا گیا ہے۔ جمعہ کے دن سے اس ساحل پر صفائی مہم شروع کردی گئی ہے۔اس سے پہلے کمپنی کے اعلیٰ افسران خود ساحل پر پہنچ کر یہاں کے حالات کی مکمل جانکاری لی اور پھر اس کے بعد 10افراد پر مشتمل عملے کی ایک ٹیم ساحل کی صفائی مہم میں مصروف ہوگئی۔اس کے بعد ٹورازم ڈپارٹمنٹ کی ٹیم ساحل کا معائنہ کرے گی اور پھر اس کی رپورٹ کمپنی کو بھیجی جائے گی۔

 بلیو فیلگ سرٹی فکیشن کے لئے ریت اور مٹی کی جانچ کے علاوہ تمام کارروائیاں ضروری مختلف محکمہ جات کی طرف سے انجام دی جارہی ہیں۔خیال رہے کہ ہوناور کا ایکو بیچ ریاست کا تنہا ساحل ہے جسے بلیو فیلگ سرٹی فکیشن کے لئے نامزد کیاگیا ہے۔

 فاؤنڈیشن فار انوائرمنٹل ایجو کیشن نامی ایک ادارہ ہے جو ساحلوں کو بلیو فیلگ سرٹفکیٹ تفویض کرتا ہے۔ اس کے لئے تقریباً 33عنوانات پر کسی بھی ساحل اور اس کے اطراف پائے جانے والے ماحول کے معیار کو جانچا جاتا ہے اور پھر اس کے بعد معیار پر پورا اترنے والے ساحل کو بلیو فیلگ دیا جاتا ہے۔