نئی دہلی ،25؍جنوری (ایس او نیوز؍ایجنسی) ہندوستان اور چین آرمی کے مابین سکم میں معمولی تصادم کی خبریں سامنے آ رہی ہیں۔ ایل اے سی پر دونوں فوجوں کے مابین تصادم 20 جنوری کو سکم کے علاقے ناکو لا میں ہوا تھا۔ یہ معاملہ مقامی کمانڈروں کی سطح پر حل کیا گیا ہے۔

ہندوستانی فوج نے پیر کو اس کی تصدیق کی ۔ ذرائع کے مطابق چینی فوجیوں نے لائن آف ایکچول کنٹرول (ایل اے سی) عبور کرنے کی کوشش کی۔ جس کے بعد ہندوستانی فوجیوں نے انہیںروک لیا۔ دونوں اطراف کے کچھ فوجی معمولی طور پر زخمی ہونے کی اطلاع ہے۔آرمی نے ایک بیان میں کہا کہ ہمیں سکم میں ہندوستانی فوج اور پی ایل اے کے جوانوں کے مابین تصادم سے متعلق بہت سارے سوالات موصول ہوئے ہیں۔

یہ واضح ہے کہ 20 جنوری کو شمالی سکم کے علاقے نکو لا میں چینی فوجیوں اور ہندوستانی فوجیوں کے درمیان معمولی جھڑپ ہوئی تھی۔ جسے مقررہ پروٹوکول کے تحت مقامی کمانڈر کی سطح پر حل کیا گیا ۔ آرمی کا مزید کہناہے کہ میڈیا کومبالغہ آمیزرپورٹس سے گریز کرنا چاہئے ، جو حقیقت میں غلط ہیں۔ذرائع کے مطابق چینی فوجیوں نے ایل اے سی کو عبور کرنے کی کوشش کی۔ سرحد پر تعینات ہندوستانی فوجی وہیں روک لیا ۔

واضح رہے کہ اس سے قبل 15 جون کو مشرقی لداخ کی وادی گلوان میں ہندوستان اور چین کے فوجیوں کے درمیان تصادم ہوا تھا۔ اس دوران 20 ہندوستانی فوجی شہید ہوئے تھے اور تقریبا 35 سے 40 چینی فوجی مارے گئے۔ تاہم چین نے اپنے جانی نقصان کی تعداد کے بارے میں کوئی معلومات فراہم نہیں کی۔