ہوناور:18؍مارچ (ایس او نیوز)  ہوناورسمیت اطراف کے  عوام  کو اپنی ضروریات کی خریداری کے لئے  دور دراز شہروں میں جانے کی ضرورت  نہیں ہوگی کیونکہ شہر میں  ایک شاندار  ’’سٹی سنٹر  ‘‘ کا افتتاح عمل میں آیا ہے۔ کرناٹکا مائنارٹی ڈیولپمنٹ بورڈ کے سابق چیرمن سلیمان یو تلکھنی کے ہاتھوں آج  بروز پیر اس پہلے سیٹی سینر کا افتتاح کیا گیا اس موقع پر  سینٹر کے  مالک الحاج باوافقی حسین مستان سمیت کافی دیگر ذمہ داران  موجود تھے ۔

تقریب سے خطاب کرتے ہوئے سلیمان تلکھنی نےکہاکہ ہوناور تعلقہ میں یہ پہلا مال ہے جہاں  ضروری خریداری چیزیں دستیاب ہوں گے، انہوں نے اس خوبصورت اور شاندار مال کی شروعات پر مالکان کو مبارکبادپیش کی ،انہوں نے کہا کہ گرچہ ہوناور میں کئی  بلند بالا عمارتیں موجود  ہیں مگر ان سب میں اس مال کی اپنی ایک الگ  اہمیت ہے  جس پر اہل ہوناور کو فخر ہونا چاہئے۔ انہوں نے عوام سے اپیل کہ وہ مال سے خاطر خواہ استفادہ کریں۔

مال کے متعلق مالکان کا کہنا ہےکہ تمام سہولیات سے آراستہ مال میں بہت جلد  کئی برانڈیڈ  کمپنیاں اپنے اسٹال کی شروعات کریں گی۔ یہاں پر پارکنگ کے لئے  مناسب جگہ فراہم کی گئی ہے ، عوام کے لئے مال میں تشریف آوری  ایک یاد گار ثابت ہوسکی۔ انہوں نے بتایاکہ کئی رٹیلرس مال میں اپنا بزنس شروع کرچکے ہیں۔

اس موقع پر سابق رکن اسمبلی منکال وئیدیا  سمیت دیگر ذمہ داران  ڈی اے کامت، الحاج باوا فقی حسین مستان ،فیصل مستان، جے ڈی ایس لیڈر عنایت اللہ شاہ بندری ، ناگراج کامت، الحاج قادر باشاہ حسین مستان، فیصل مستان، منصورملا، عبدالکریم تلکھنی ، ڈاکٹر اسماعیل لکھنی ، منجوناتھ نائک، باشا ماگوڈ، اقبال حسین مستان، محی الدین حسین مستان، عبدالرحمن شمسی وغیرہ موجود تھے۔

خیال رہے کہ ہوناور پولس اسٹیشن کے عقب میں بازار روڈ پر سیٹی سینٹر کی یہ عمارت  کافی دور سے ہی دیکھی جاسکتی ہے۔