فٹ بال: چیلسی کی مسلسل ساتویں فتح میں کرسٹین پلسچ نے ادا کیا بڑا کردار
برنلے،27/اکتوبر(آئی این ایس انڈیا) امریکہ کے نوجوان ونگر کرسٹین پلسچ کی شاندار ہیٹ ٹرک کی بدولت چیلسی نے انگلش پریمیئر لیگ (ای پی ایل) کے 10 ویں دور کے میچ میں برنلے کو اسی کے گھریلو میدان پر 4-2سے شکست دی۔پلسچ کے کیریئر کی یہ پہلی ہیٹ ٹرک ہے۔ وہ ای پی ایل میں ہیٹ ٹرک لگانے والے چیلسی کے سب سے نوجوان کھلاڑی بن گئے ہیں۔برنلے کے خلاف ملی جیت تمام مقابلوں میں چیلسی کی مسلسل ساتویں جیت ہے۔ میچ کے آغاز سے ہی چیلسی نے اٹیک کرنے پر یقین رکھا، جس کا فائدہ اسے جلد ہی مل گیا۔کھیل کے 21 ویں منٹ میں پلسچ نے ہاف لائن کے پاس میزبان ٹیم کے کھلاڑی گیند چھینی اور گول کرتے ہوئے چیلسی سے برتری دلائی۔پہلا ہاف ختم ہونے سے پہلے ویلین نے برنلے کے ڈفیندر سے گیند چھینی اور پلسچ کو پاس کیا۔امریکی کھلاڑی نے کوئی غلطی نہیں کی اور مقابلے میں اپنا دوسرا گول کیا۔ چیلسی کے لئے دوسرے ہاف کاآغاز انتہائی بااثر رہا۔ 56 ویں منٹ میں پلسچ نے میس ماؤنٹ کے پاس پر ہیڈر کے ذریعے گول کرتے ہوئے اپنی ہیٹ ٹرک مکمل کی۔اس کے دو منٹ بعد ویلین نے موقع بنایا اور 18 گز کے باکس کے اندر سے بہترین گول کرکے اسکور 4-0کر دیا۔