افغان صدر سے چینی وزیر خارجہ کا طالبان سے مذاکرات پر تبادلہ خیال

Source: S.O. News Service | By INS India | Published on 6th November 2019, 6:11 PM | عالمی خبریں |

کابل /6نومبر (آئی این ایس انڈیا)افغان صدر اشرف غنی اور چینی وزیر خارجہ وانگ یی نے بیجنگ میں افغان شخصیات اور طالبان کے نمایندوں کے درمیان مجوزہ ملاقات کے بارے میں تبادلہ خیال کیا ہے۔افغان حکومت کی جانب سے منگل کے روز جاری کردہ ایک بیان میں کہا گیا ہے کہ صدر اشرف غنی اور وزیر خارجہ وانگ یی نے امن عمل میں افغان حکومت اور عوام کے امن عمل میں کردار کی ضرورت پر زوردیا ہے۔

اشرف غنی نے اس بات پر اصرار کیا ہے کہ ان کی حکومت کو طالبان کے ساتھ مذاکرات کی قیادت کرنی چاہیے۔تاہم طالبان مزاحمت کار ان کی حکومت کے نمایندوں سے مذاکرات سے انکار کرچکے ہیں جبکہ ان کی صدارت کا مستقبل بھی غیر یقینی دکھائی دیتا ہے کیونکہ ستمبر میں افغانستان میں منعقدہ صدارتی انتخابات کا ابھی تک اعلان نہیں کیا گیا ہے اور افغان ان کے منتظر ہیں۔چین کے دارالحکومت بیجنگ میں ’افغانوں کے مابین مذاکرات‘ کے نام سے یہ اجلاس گذشتہ ماہ منعقد ہونا تھا لیکن اس کو بوجوہ موخر کردیا گیا تھا۔اس اجلاس کی ابھی تک کوئی نئی تاخیر مقرر نہیں کی گئی ہے۔قبل ازیں اس سلسلے کا اجلاس جولائی میں قطر میں ہوا تھا۔افغانوں کے مابین مکالمہ‘ امریکا اور طالبان کے درمیان مذاکرات سے الگ تھلگ ایک مذاکراتی عمل ہے۔امریکی صدر ڈونلڈ ٹرمپ نے طالبان کے ساتھ مذاکرات ستمبر میں اچانک ختم کرنے کا اعلان کردیا تھا اور اس کے بعد سے امریکی ایلچی زلمے خلیل زاد اور طالبان کے درمیان کوئی بات چیت نہیں ہوئی ہے۔

ایک نظر اس پر بھی

آسٹریلیا میں جنگلاتی آگ شدید ہوتی ہوئی

آسٹریلیا کے مشرقی اور مغربی حصوں میں جنگلاتی جھاڑیوں میں لگی آگ شدید ہوتی جا رہی ہے۔ اس آگ کے پھیلنے سے قریبی انسانی بستیوں کے لیے خطرات بھی بڑھ گئے ہیں۔ مغربی آسٹریلیا میں درجہ حرارت چالیس ڈگری سینٹی گریڈ تک پہنچ گیا ہے اور شدید گرمی کے ساتھ ساتھ تیز ہوائیں بھی آگ کے پھیلنے کی ...

بلوچستان: ریموٹ کنٹرول بم دھماکے میں تین سکیورٹی اہلکار ہلاک

پاکستان کے جنوب مغربی صوبے بلوچستان کے وزیر داخلہ کے مطابق ایک بم پھٹنے سے تین پیراملٹری اہلکار ہلاک ہو گئے ہیں۔ اس دھماکے میں پانچ اہلکاروں کے زخمی ہونے کی بھی اطلاع ہے۔ اس بم کے ذریعے سکیورٹی اہلکاروں کی ایک گاڑی کو نشانہ بنایا گیا۔وزیر داخلہ کے مطابق یہ بم دھماکا ریموٹ ...

سری لنکا میں صدارتی انتخابات، مسلم ووٹرز کی بسوں پر فائرنگ

سری لنکا میں صدارتی انتخابات کے لیے ووٹنگ جاری ہے، ملک کے شمال مغربی علاقے میں مسلم ووٹرز کی بسوں پر اندھا دھند فائرنگ کر دی گئی۔تفصیلات کے مطابق صدارتی انتخابات کے لیے آج سری لنکا میں ووٹنگ شروع ہو گئی ہے، جس میں صدر میتھری پالاسری سینا کے جانشین کا انتخاب کیا جائے گا، ووٹ ...

امریکا کو مطلوب داعش تنظیم کا ایک اہم ترین کمانڈر یوکرین کے قبضے میں 

یوکرین میں ریاستی سیکورٹی کے ادارے نے اعلان کیا ہے کہ اس نے داعش تنظیم کے ایک کمانڈر ابو عمر الشیشانی کے نائب کو گرفتار کر لیا ہے۔ مذکورہ نائب گذشتہ برس جعلی پاسپورٹ پر یوکرین میں داخل ہوا تھا۔ واضح رہے کہ امریکی وزارت دفاع (پینٹاگان) نے ابو عمر الشیشانی کو داعش کا ’وزیر جنگ‘ ...