چین: کورونا وبا پھوٹنے کی رپورٹنگ کرنے والی صحافی کو جیل

Source: S.O. News Service | Published on 29th December 2020, 7:34 PM | عالمی خبریں |

بیجنگ، 29دسمبر (آئی این ایس انڈیا)چین کے شہر ووہان سے کورونا وائرس کی وبا پھوٹنے کی رپورٹنگ کرنے پر خاتون چینی صحافی ژانگ ژان کو چار سال قید کی سزا دی گئی ہے۔

 ژانگ ژان کے وکیل کا کہنا ہے کہ شنگھائی کی ایک عدالت میں مختصر سماعت کے بعد ان کی موکلہ کو پیر کے روز چار برس قید کی سنائی گئی ہے۔ ژانگ نے چین کے ووہان شہر میں فروری میں کورونا وائرس کی وبا پھوٹنے کے ابتدائی دنوں کے بارے میں رپورٹنگ کی تھی اور وہاں کے حقائق سے دنیا کو آگاہ کیا تھا۔

37سالہ ژانگ ژان نے براہ راست رپورٹنگ اور مضامین سوشل میڈیا پلیٹ فارمز پر شیئر کیے تھے۔ ان میں بھیڑ سے بھرے ہسپتالوں اور قبرستانوں نیز خالی سڑکوں اور چینی حکام کو وائرس پر قابو پانے کی جد و جہد کرتے ہوئے دکھایا گیا تھا۔

ماضی میں وکالت کے پیشے سے وابستہ ژانگ شنگھائی سے کام کرتی ہیں۔ انہیں ”جھگڑا کرنے اور مسائل کو ہوا دینے" کے الزام میں سزا سنائی گئی ہے۔ چین میں حکومت کی نکتہ چینی کرنے والوں پر بالعموم یہی الزام عائد کیا جاتا ہے۔

ان کے وکیل رین کوانیو نے شنگھائی کے ڈسٹرکٹ پیپلز کورٹ کے باہر نامہ نگاروں کو بتایا کہ جب سزا کا اعلان کیا گیا تو ژانگ ژان پریشان نظر آرہی تھیں۔ عدالت میں موجود ان کی والدہ رو پڑیں۔

رین کوانیو نے مقدمے کی کارروائی کو بہت جلدی میں کی گئی سماعت قرار دیا۔ انہوں نے کہا کہ "ہمارے پاس یہ سمجھنے کا کوئی طریقہ نہیں ہے کہ ژانگ پر درحقیقت کیا الزامات عائد کیے گئے۔" صحافیوں کو کمرہ عدالت میں داخل ہونے کی اجازت نہیں دی گئی تھی۔

اقوام متحدہ کو تشویش

اقو ام متحدہ کے حقوق انسانی کے ادارے نے ایک ٹوئٹ کرکے کہا کہ اسے اس سزا پر 'گہری تشویش‘ ہے۔

بین الاقوامی ادارے کا مزید کہنا تھا کہ ”ہم ژانگ کے کیس کو سن 2020 میں چینی حکام کے سامنے پورے سال اٹھاتے رہے ہیں اور ان کی رہائی کے لیے کوشش کرتے رہیں گے۔ یہ کووڈ۔19 کے حوالے سے اظہار رائے کی آزادی کو کچلنے کی کوشش کی ایک مثال ہے۔"

سچ بتانے کی سزا

ژانگ پہلی صحافی ہیں جنہیں کورونا وائرس کی وبا کی رپورٹنگ کے لیے مقدمہ چلانے کے بعد سزا سنائی گئی ہے۔ تاہم  ووہان سے رپورٹنگ کرنے والے تین دیگر سٹیزن جرنلسٹ، چین کویشی، فانگ بن اور لی زی ہوا،  فروری سے ہی لاپتہ ہیں۔ اس وبا کے حوالے سے چینی حکومت کے اقدامات کی نکتہ چینی کرنے کی پاداش میں اب تک آٹھ افراد کوسزا دی جاچکی ہے۔

ژانگ نے ووہان میں وبا پھوٹنے کے بعد اس سے نمٹنے کے چینی حکومت کے طریقہ کار پر نکتہ چینی کرتے ہوئے لکھا تھا کہ ”حکام نے عوام کو خاطر خواہ اطلاعات فراہم نہیں کیں اور شہر کو اچانک لاک ڈاون کردیا۔"

چین کے رویے کی نکتہ چینی

کووڈ۔19 پر قابو پانے کے لیے رازدارانہ رویہ اپنانے کی وجہ سے چین کو عالمی سطح پر تنقید کا سامنا کرنا پڑا ہے۔ بیجنگ نے بعد میں کورونا وائرس کی وبا پر قابو پانے کی اپنی کوششوں  کو 'غیر معمولی کامیابی‘  کے طور پر پیش کرنے کی کوشش کی۔ گزشتہ برس کے اواخر میں ووہان میں پہلی مرتبہ وائرس پھوٹنے کے بعد فروری میں گیارہ ملین آبادی والے اس شہر میں لاک ڈاون نافذ کردیا گیا تھا۔

 تاہم چین کا کہنا ہے کہ اس کی معیشت دوبارہ پٹری پر آگئی ہے جبکہ دنیا کے بیشتر دیگر ممالک وائرس کے بعد لاک ڈاؤن اور وائرس سے متاثرہ افراد کی تعداد میں اضافے کے تکلیف دہ مراحل سے گزر رہے ہیں۔

ژانگ کے مقدمے کا فیصلہ ایسے وقت سامنے آیا ہے جب عالمی ادارہ صحت کے ماہرین کی ایک ٹیم کورونا وائرس پھوٹنے کے اسباب کا پتہ لگانے کے لیے ووہان پہنچنے والی ہے۔

ژانگ کی صحت پر تشویش لاحق

جرمنی کے انسانی حقوق کے کمشنر باربل کوفلر نے ژانگ کی بگڑتی ہوئی صحت پر 'گہری تشویش‘ کا اظہار کرتے ہوئے چین سے اپیل کی کہ”اپنے شہریوں کے انسانی حقوق کا احترام کرے اور بین الاقوامی قوانین کے تحت عائد ہونے والی ذمہ داریاں ادا کرے۔"

گزشتہ جون میں ہی ژانگ کی صحت بگڑنے لگی تھی جب انہوں نے بھوک ہڑتال شروع کردی تھی۔

ان کے وکیل رین کینو نے بتایا کہ پولیس نے ژانگ کو ٹیوب کے ذریعہ زبردستی کھانا کھلایا۔ دسمبر تک ان کی طبیعت مزید خراب ہوگئی اور انہیں سر درد، چکرآنے، پیٹ درد، لو بلڈ پریشر اور گلے میں انفیکشن جیسی شکایتیں ہوگئیں۔ رین کینو کا مزید کہنا تھا کہ ”گزشتہ ہفتے جب میں نے ان سے ملاقات کی تو انہوں نے مجھ سے کہا تھا کہ اگر مجھے سخت سزا سنائی گئی تو میں کھانے پینے سے پوری طرح انکار کردوں گی، حتی کہ میری موت ہوجائے... وہ سوچتی ہیں کہ شاید جیل میں ہی ان کی موت ہوجائے گی۔"

ایک دیگر وکیل ژانگ کیکے، جنہوں نے کرسمس کے دن ژانگ ژان سے ملاقات کی تھی، نے سوشل میڈیا پر ایک بیان میں بتایا کہ' انہیں 24 گھنٹے جیل کے کمرے میں رکھا جارہا ہے، ان کی صحت بگڑتی جارہی ہے اور وہ نفسیاتی طورپر اذیت زدہ محسوس کرتی ہے۔"

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...