چین کا ’آرامکو‘ کے حصص میں پانچ سے 10 ارب ڈالر کی سرمایہ کاری پرغور

Source: S.O. News Service | By INS India | Published on 7th November 2019, 6:25 PM | خلیجی خبریں |

بیجنگ،7نومبر(آئی این ایس انڈیا)بلومبرگ نے باخبر ذرائع کے حوالے سے بتایا کہ چینی سرکاری اداروں اور سعودی عرب کی سب سے بڑی پٹرولیم کمپنی آرامکو کے درمیان آرامکو کی ابتدائی عوامی پیش کش میں 5 ارب سے 10 ارب ڈالر کی سرمایہ کاری کرنے پر بات چیت جاری ہے۔ ذرائع کے مطابق چین آرامکو کے آئی پی اوز میں پانچ سے 10 ارب ڈالر کی سرمایہ کاری پرغور کر رہا ہے۔بلومبرگ کی رپورٹ کے مطابق آرامکو کے حصص کی بولی لگانے میں شامل فریقین میں بیجنگ میں واقع سلک روڈ فنڈ، سرکاری پٹرولیم کمپنی سینو پیک اور چین انویسٹمنٹ کارپوریشن کی خودمختار دولت فنڈ شامل ہیں۔

رپورٹ میں مزید کہا گیا ہے کہ آرامکو کے حصص میں چینی سرمایہ کاری کے حجم کے بارے میں کوئی حتمی فیصلہ نہیں کیا گیا۔ سرمایہ کاری کے حجم اور دیگر امور کے بارے میں آخری فیصلہ چینی حکومت کی ہدایت پر کیا جائیگا۔آرامکو نے اتوار کے روز اپنا آئی پی او لانچ کیا ہے۔ سعودی آئل کمپنی آرامکو اسٹاک مارکیٹ میں اترنے کا فیصلہ کر چکی ہے۔ اس حوالے سے مقامی سطح پر بھی سرمایہ کاری کی جائے گی۔دوسری جانب آرا مکو، سلک روڈ فنڈ، سینو پیک یا چین انویسٹمنٹ کارپوریشن نے ابھی تک بلومبرگ کی رپورٹ پر کوئی تبصرہ نہیں کیا۔باخبر ذرائع نے بتایا کہ ہ گیارہ دسمبر کو سعودی مارکیٹ میں آرمکو کے شیئرز کا کاروبار شروع کرنے کی توقع ہے۔ آرامکو کے آئی پی او میں پیشکشوں سے کی جانے والی قیاس آرائیوں کے دوران رائیٹرز کو بتایا گیا کہ حکومت آرامکو کا دو فی صد نجی اداروں کی سرمایہ کاری کے لیے مختص کرنے کا امکان ہے۔باخبر ذرائع نے رائیٹرز کو یہ بھی بتایا کہ سعودی حکومت آئی پی او کے بعد آرامکو سے اضافی حصص کی فروخت پر ایک سال کی پابندی عاید ہو گی۔

ایک نظر اس پر بھی

سعودی عرب نے پرائیویٹ ملازمین کو 2 سال تک نصف تنخواہ کی ادائیگی کا کیا اعلان

دنیا بھر میں کورونا وائرس کے پیش نظر حکومتوں نے عوام، مزدوروں اور ملازمین کو ریلیف فراہم کرنے کے اعلانات کر رکھے ہیں اور اس سلسلہ میں متعدد ممالک کی حکومتوں نے ملازمین کو خصوصی ریلیف فراہم کرنے کے انتظامات بھی کئے ہیں۔

دبئی سے مینگلور جانے کے لئے350 سے زائد درخواستیں موصول،کن کن کو کریں روانہ ؟ ذمہ داران کے سامنے اہم سوال

چارٹرڈ فلائٹ پر دبئی میں پھنسے بھٹکل اور اطراف کے لوگوں کو مینگلور روانہ کرنے کے تعلق سے سینکڑوں  لوگوں کے رابطہ کرنے پر دبئی میں موجود بھٹکل کے ذمہ داران سوچ میں پڑ گئے ہیں کہ اتنی بڑی تعداد میں لوگ دبئی لاک ڈاون میں پھنسے ہیں تو اُنہیں انڈیا روانہ کرنے کے لئے کس طرح کے ...

کورونا وباء اور لاک ڈاون کے چلتے دبئی میں پھنسے بھٹکل کے عوام کے لئے زبردست خوش خبری؛ 11 جون کو مینگلور کے لئے نکل رہی ہے چارٹرڈ فلائٹ

کورونا وباء کے بعدلاک ڈاون کے چلتے دبئی اور عرب امارات میں پھنسے بھٹکل اور اطراف کے عوام کے لئے ایک زبردست خوش خبری یہ ہے کہ  بھٹکل کے معروف بزنس مین اور نُہیٰ جنرل ٹریڈنگ کمپنی    کے مالک جناب عتیق الرحمن مُنیری نے  عوام کی تکلیفات کو دور کرنے اور اُنہیں اُن کے وطن  واپس ...