کورونا وائرس کی وجہ سے وزیر اعلیٰ ممتا بنرجی کا دفتر منتقل

Source: S.O. News Service | Published on 8th August 2020, 10:00 PM | ملکی خبریں |

کلکتہ،8؍اگست (ایس او نیوز؍ایجنسی) کورونا وائرس کی وجہ سے وزیرا علیٰ ممتا بنرجی کا دفتر ریاستی سکریٹریٹ نوبنو سے عارضی طور پر اوپنا انیکس بلڈنگ میں منتقل کیا جا رہا ہے۔ اگست کے اواخر تک اس آفس سے وزیر اعلیٰ ممتا بنرجی کام شروع کردیں گی۔

اسپیشل سیکورٹی ونگ جو وزیرا علیٰ ممتا بنرجی کی سیکورٹی دیکھتی ہے نے اوپنا آفس کا معائنہ کیا ہے۔ ذرائع کے مطابق وزیرا علیٰ ممتا بنرجی اور ان کے دفتر کے افسران کے علاوہ یہاں کسی کو بھی آنے کی اجازت نہیں ہوگی۔ اسی سال 22 جولائی کو وزیر اعلیٰ ممتا بنرجی نے سہ منزلہ عمارت کا افتتاح کیا تھا۔چیف سکریٹری کے علاوہ کچھ افسران کے آفس ہوں گے۔

ریاستی سکریٹریٹ نوبنو کے 14 فلور پر کام کرنے والے کئی افراد کورونا سے متاثر ہوگئے ہیں۔ جس میں ایک آفیسر، ہاؤس کیپر اسٹاف اور ڈرائیور کورونا سے متاثر ہوگئے تھے۔ 14فلور پر کام کرنے والے کئی افسران کے ڈرائیور کورونا سے متاثر ہوچکے ہیں۔ اسی کی وجہ سے وقتاً فوقتاً ریاستی سکریٹریٹ کو سینٹائز کیا جاتا رہا ہے۔ اس کی وجہ سے آفیشیل کام میں رخنہ پڑتا تھا اسی وجہ سے وزیر اعلیٰ ممتا بنرجی کے دفتر کو عارضی طور پر منتقل کیا گیا ہے۔ اس کے علاوہ ممتا بنرجی کی کار کے آس پاس دیگر گاڑیوں کی پارکنگ ممنوع ہے۔

ایک نظر اس پر بھی

اپوزیشن کے 8ممبران پارلیمنٹ کی معطلی مرکزی حکومت کا اختلاف رائے سے عدم راوداری کا نمونہ۔ ایس ڈی پی آئی

 سوشیل ڈیموکریٹک پارٹی آف انڈیا (ایس ڈی پی آئی) کے قومی صدر ایم کے فیضی نے اپنے جاری کردہ اخباری بیان میں زرعی بل منطور کئے جانے کی مخالفت کرنے پر اپوزیشن کے 8اراکین پارلیمنٹ کو ایک ہفتہ کیلئے پارلیمنٹ کے مانسون اجلاس میں شرکت سے معطل کرنے کے اقدام کو جمہوریت مخالف قرار دیتے ...

بینکنگ ریگولیشن بل پر پارلیمنٹ کی مہر

 کوآپریٹو بینکوں کی بحالی اور نگرانی کے لئے ریزرو بینک آف انڈیا (آر بی آئی) کو زیادہ اختیارات دینے والے بینکنگ ریگولیشنز (ترمیمی) بل 2020 کو منگل کو راجیہ سبھا میں صوتی ووٹوں سے منظور کر لیا گیا۔