کانگریس کی بڑھتی عوامی مقبولیت سے یوگی حکومت حواس باختہ:بھوپیش بگھیل

Source: S.O. News Service | Published on 8th December 2021, 11:34 AM | ملکی خبریں |

رائے پور، 8؍دسمبر (ایس اونیوز؍ایجنسی) چھتس گڑھ کے وزیر اعلی بھوپیش بگھیل نے کہا کہ بی جے پی حکومت یوپی میں کانگریس کی عوامی مقبولیت کو دیکھ کر گھبرا گئی ہے اور انتظامیہ کی طاقت کے سہارے اپوزیشن کی آواز کو دبانے کی کوشش کررہی ہے۔

کسان سمیلن سے خطاب کرتے ہوئے بگھیل نے کہا کہ بی جے پی حکومت جب سے مرکز اور ریاست میں اقتدا رمیں آئی ہے تب سے مہنگائی لگاتار بڑھ رہی ہے۔ حکومت کے پاس روک تھام کے لئے کوئی حل نہیں ہے اب ان کو صرف عوام ہی سبق سکھا سکتے ہیں اور سبق دینے کا وقت آگیا ہے ،آنے والے اسمبلی انتخابات میں متحد ہوکر ان کی وداع کردیں مہنگائی اپنے آپ کم ہوجائے گی۔حال ہی میں ہوئے ضمنی انتخابات میں ہماچل پردیش اور کرناٹک کی عوام نے انہیں سبق سکھا دیا ہے اور وہاں سے پٹرول اور ڈیزل کی قیمتوں میں گراوٹ آگئی ہے۔

انہوں نے کہا کہ اترپردیش کے کسان دن رات محنت کرتے ہیں لیکن جب انہیں فصل سینچنے کی ضرورت ہوتی ہے تو ڈیزل کا استعمال کرنا پڑتا ہے لیکن یہاں تو ڈیزل کی قیمتیں ہی آسمان سے اوپر ہیں اور کسان مجبور ہوکر مہنگے ڈیزل سے سینچائی کرتے ہیں۔سینچائی کے لئے بجلی موٹروں کا انتظام نہیں ہے ایسی مہنگائی سے ابھرنے کے لئے سبھی لوگ متحد ہوکر کانگریس کی حمایت کریں ،مہنگائی اپنے آپ کم ہوجائے گی۔ ڈیزل پٹرول کی قیمتوں میں بھاری گراوٹ درج کی جائے گی۔

بی جے پی کی یوگی حکومت چاہ رہی تھی کہ میں یہاں نہ آؤں اس لئے انتظامیہ نے میرے ہیلی کاپٹر نہیں اترنے دیا جس کی وجہ سے مجھے جائے ریلی تک تقریبا 30کلومیٹر کا سفر گاڑی سے طے کرنا پڑا لیکن ہمیں کوئی پریشانی نہیں ہے کیونکہ ہم کسانوں سے اپنی بات کہنے اور ان کی بات سننے آئے ہوئے ہیں۔

انہوں نے دعوی کیا کہ جب مرکز میں کانگریس پارٹی کی حکومت تھی تب بی جےپی سڑک پر احتجاج کرتے ہوئے کہتی تھی کہ ہم کسانوں کے مفاد کے لئے کام کریں گے اور جب ان کی حکومت مرکز اور ریاست دونوں جگہوں پر آگئی تو کسانوں، نوجوانوں کو بھول گئے اور جھوٹا وعدہ کررہے ہیں کہ ہم کسانوں کے مفاد کے لئے کام کررہے ہیں۔

ایک نظر اس پر بھی

بھوپیش بگھیل کی کانگریس صدر سونیا گاندھی، راہل اور پرینکا سے ملاقات، انتخابی حکمت عملی پر تبادلہ خیال

چھتیس گڑھ کے وزیر اعلیٰ بھوپیش بگھیل نے بدھ کے روز دہلی میں کانگریس کی صدر سونیا گاندھی اور رکن پارلیمنٹ راہل گاندھی سے ملاقات کی۔ ساتھ ہی وہ پارٹی کی جنرل سکریٹری اور انچارج اتر پردیش پرینکا گاندھی کی رہائش گاہ پر ان سے ملاقات کے لئے بھی پہنچے۔

اب یوپی میں ہوگی ورچوئل لڑائی، بی جے پی اور کانگریس کے پاس ہے ٹرینڈ ٹیم

سماجوادی پارٹی کے گوتم پلی واقع دفتر سے آج پہلی ورچوئل ریلی کا آغاز کیا گیا۔ اس ریلی کو خطاب کرتے ہوئے سماجوادی پارٹی کے بڑے لیڈر امبیکا چودھری نے صوبے کی بی جے پی حکومت کی ناکامیوں کو ظاہر کرتے ہوئے وزیر اعلیٰ یوگی آدتیہ ناتھ کو کٹہرے میں کھڑا کیا۔

کیرالہ کے ہر اسمبلی حلقہ میں 100 بی پی ایل کنبوں کو مفت ملے گا انٹرنیٹ: پنارائی وجین

 کیرالہ کے وزیر اعلی پنارائی وجین نے منگل کے روز کہا کہ اس سال مئی تک کیرالہ کے ہر اسمبلی حلقہ میں 100 بی پی ایل کنبوں کو مفت انٹرنیٹ فراہم کیا جائے گا۔ پنارائی وجین نے کہا کہ کیرالہ فائبر آپٹک نیٹ ورک (کے ایف او این) کا مقصد تقریباً 20 لاکھ بی پی ایل کنبوں کو مفت انٹرنیٹ کنیکٹیویٹی ...

’لڑکی ہوں، لڑ سکتی ہوں‘ نعرہ سے متاثر خاتون صحافی ندا احمد نے صحافت کو کیا الوداع، سیاست میں رکھا قدم

صحافت کو خیرباد کر کے سیاست میں قدم رکھنے والی ندا احمد کا کہنا ہے کہ سیاست میں جو لوگ بہت زیادہ وعدے کر تے ہیں، سمجھ لو کچھ نہیں کرتے۔ اس لئے میں وعدے نہیں کروں گی، بلکہ کچھ کر کے دکھانا ہے۔

پی ایم مودی کی میزبانی میں ہند-وسطی ایشیا چوٹی کانفرنس 27 جنوری کو

ہندوستان 27 جنوری کو پہلے ہند وسطی ایشیا چوٹی کانفرنس کا انعقاد کرے گا وزیر اعظم نریندر مودی کی میزبانی میں ورچول توسط سے ہونے والی اس چوٹی کانفرنس میں قزاقستان، جمہوریہ کرغزستان، تاجکستان، ترکمانستان اور ازبکستان کے سربراہان شرکت کریں گے پہلے ان لیڈران کے یوم جمہوریہ کی ...