چنئی۔بنگلور ایکسپریس ٹرین اب میسور تک جائے گی
میسور، 9 جنوری (ایس او نیوز) ریلوے بورڈ نے چنئی۔بنگلور ایکسپریس ٹرین کو میسور تک توسیع دینے کو منظور کر لیا ہے ۔ریلوے بورڈ کی پریس ریلیز کے مطابق چنئی۔بنگلور ایکسپریس اب میسور تک جائے گی۔ یہ ٹرین چنئی سے دوپہر 01:35 بجے روانہ ہوگی اور رات 11 بجے میسور پہنچے گی۔ واپسی میں یہ میسور سے علیٰ الصباح 4:45 بجے چھوٹے گی اور دوپہر 2:30 بجے چنئی پہنچے گی۔ توسیع میں کانگیری، رام نگرم، چنَّاپٹن، مدور، منڈیااور پانڈوپورہ اسٹیشن شامل ہیں۔ ان اسٹیشنوں پر چنئی۔بنگلور ایکسپریس رکے گی۔