بھٹکل میں جمعرات کو منعقدہ بھٹکلی پکوان مقابلے کی تیاریاں زوروں پر جاری؛ خصوصی پاس والوں کو ہی اندر جانے کی ہوگی اجازت

Source: S.O. News Service | By I.G. Bhatkali | Published on 12th May 2022, 12:29 AM | ساحلی خبریں | ان خبروں کو پڑھنا مت بھولئے |

بھٹکل 11 مئی (ایس اونیوز) بھٹکل نوائط کالونی نیشنل ہائی وے پر واقع  آمنہ ہال  میں جمعرات کو منعقدہ  بھٹکلی پکوان مقابلہ کی تیاریاں زوروں پر جاری ہیں اور  اس  مقابلے کے لئے خواتین  کی ٹیمیں  تشکیل دی گئی ہیں۔ آوز Auz گروپ آف کمپنیس کی جانب سے منعقدہ اس مقابلے میں  بھٹکلی خواتین پر مشتمل کئی ٹیمیں حصہ لے رہی ہیں۔ جن میں اول مقام پانے والی ٹیم کو  پچیس ہزار، سکینڈ آنے  والی ٹیم کو پندرہ ہزار اور تھرڈ کو دس ہزار روپیہ نقد انعام سے نوازا جائے گا۔

بھٹکلی خواتین کے درمیان پکوان مقابلے کی معلومات فراہم کرتے ہوئے  آوز  Auzگروپ آف کمپنیس کے مینجنگ ڈائرکٹرعبدالبدیع مُنیری نے بتایا کہ جمعرات شام چا ربجے مقابلے  کا آغاز ہوگا اورمقابلہ میں شریک  ہونے والی  خواتین   چار بجے  سے سوا پانچ بجے تک  اپنے تیار کردہ بھٹکلی پکوان کو  ٹیبل پر سجائیں گی۔ خواتین پرمشتمل ججس کی ایک ٹیم  شام چھ بجے سے  6:45 بجے تک تمام پکوانوں  کا جائزہ لے کر  ذائقوں وغیرہ  کی جانچ کریں گی     اور اپنے اپنے نمبرات دیں گی۔

عبدالبدیع مُنیری نے بتایا کہ شام سات بجے سے  8:15 تک سجائے گئے ٹیبلوں پر  پکوان کی نمائش  ہوگی، مگر جن خواتین  کے پاس   آمنہ ہال میں داخل ہونے کا پاس (اجازت نامہ)  ہوگا، وہیں  نمائش میں شریک ہوسکیں گی۔ انہوں نے مزید بتایا کہ قریب آٹھ سو پاس جاری کئے گئے ہیں اور خواتین والنٹیرس ٹیم سمیت مقابلے میں حصہ لینے والی پکوان ٹیم  کو  سبھی پاس  فراہم کئے گئے ہیں  وہیں ان اجازتی پاس کو اپنے حساب سے  تقسیم کریں گی۔انہوں نے واضح کیا کہ جن لوگوں کے پاس  اجازت نامہ (پاس) نہیں ہوگا، انہیں  ہال میں داخل ہونے کی اجازت نہیں ہوگی۔

عبدالبدیع کے مطابق  بھٹکلی کھانے بالخصوص بھٹکلی ناشتے دنیا بھر میں مشہور ہیں اور بھٹکلی خواتین کے ٹیلنٹ کو منظرعام پر لانے  اور بھٹکل کی خواتین کے   تیار کردہ پکوان کو دنیا کے سامنے متعارف کرانے کے مقصد سے اس مقابلے کا انعقاد کیا گیا ہے۔ مزید بتایا  کہ بھٹکلی خواتین کی طرف سے تیارکردہ پکوان کی چیزیں  آورگینیک organic فوڈس پر مشتمل ہوتی ہیں اور اس  کے ذریعے انسان صحت مند  رہتا ہے، ہمیں ملاوٹی کھانوں سے پرہیز کرنا چاہئے  اور اصلی بھٹکلی کھانوں کا استعمال کرنا چاہئے۔

رات 8:30 بجے  سے 9 بجے تک  پکوان مقابلے کی  اختتامی تقریب ہوگی  جس میں مہمانان اپنے اپنے تاثرات پیش کریں گے ۔ تقریب میں آرگنائزر کی جانب سے  اول ،دوم اور سوم آنے والوں  کے ناموں کے اعلان کے ساتھ  انہیں انعامات سے نوازا جائے گا۔ اسی طرح حسب اعلان  مقابلے میں شریک دیگر ٹیموں کے ممبران کو بھی  گفٹ ہیمپرس اور سرٹی فیکٹ سمیت   AUZ کے ووچرس بھی دئے جائیں گے۔

ایک نظر اس پر بھی

بھٹکل کے قریب شیرور سمندر میں بوٹ ڈوب گئی؛ کئی گھنٹوں تک پتہ نہ چلنے کے بعد دوسری بوٹ کے ذریعے ماہی گیر کنارے پہنچنے میں کامیاب

پڑوسی علاقہ شیرور (ضلع اُڈپی)  سمندر میں  ماہی گیری بوٹ ڈوب جانے سے ماہی گیر بُری طرح سمندر میں پھنس گئے تھے، مگر فوری طور پر دوسری بوٹ ان کی مدد کو پہنچ گئی اور پانچوں ماہی گیروں کو بچاکر کنارے لانے میں کامیاب ہوگئی۔ واردات اتوار شام قریب ساڑھے چار بجے کی ہے۔ 

بھٹکل تعلقہ میں بارش سے پیش آنے والے حادثات کے موقع پر فوری کارروائی کے لئے نوڈل افسران نامزد

سال 2022کےمانسون  بارش کے دوران بھٹکل تعلقہ میں پیش آنے والے سماوی حادثات کے موقع پر فوری توجہ دیتے ہوئے امداد پہنچانے اور تعلقہ کی مکمل نگرانی کی سخت ضرورت  رہتی ہے۔تعلقہ میں موسلادھار یا تیز بارش کی وجہ سے عوام کو ہونے والی مشکلات و پریشانی ، جانی ، مالی ،جانوراور فصل کے ...

بھٹکل تعلقہ میں بارش سے پیش آنے والے حادثات کے موقع پر فوری کارروائی کے لئے نوڈل افسران نامزد

سال 2022کےمانسون  بارش کے دوران بھٹکل تعلقہ میں پیش آنے والے سماوی حادثات کے موقع پر فوری توجہ دیتے ہوئے امداد پہنچانے اور تعلقہ کی مکمل نگرانی کی سخت ضرورت  رہتی ہے۔تعلقہ میں موسلادھار یا تیز بارش کی وجہ سے عوام کو ہونے والی مشکلات و پریشانی ، جانی ، مالی ،جانوراور فصل کے ...

اب کارڈ کے بغیر بھی اے ٹی ایم سے رقم نکالنا ہوا ممکن

آر بی آئی نے نیا اصول نافذ کر دیا ہے۔ اگر آپ کے پاس بینک کارڈ نہیں ہے اور آپ اے ٹی ایم سے رقم نکالنا چاہتے ہیں، تب بھی نکال سکتے ہیں۔ آر بی آئی نے تمام بینکوں سے کہا ہے کہ وہ کارڈ استعمال کیے بغیر رقم نکالنے کی سہولت فراہم کریں۔ تاہم،ایس بی آئی سمیت کچھ منتخب بینک پہلے ہی یہ سہولت ...

کانگریس ’شیور‘ کے بعد مرکزی حکومت کو دباؤ میں پٹرول اور ڈیزل کی قیمتوں کو گھٹانے کا فیصلہ کرنا پڑا: اشوک گہلوت

راجستھان کے وزیر اعلی اشوک گہلوت نے کہا ہے کہ کانگریس کی طرف سے مہنگائی کے خلاف احتجاج اور اور ادے پور میں اس کے نوسنکلپ شیور کےعوامی بیداری مہم کے دباؤ میں مرکزی حکومت کو پٹرول اور ڈیزل پر ایکسائز ڈیوٹی کو کم کرنے کا فیصلہ کرنا پڑا۔

مدھیہ پردیش: مسلم ہونے کے شبہ میں جین بزرگ کا پیٹ پیٹ کر قتل

مدھیہ پردیش کے رتلام ضلع میں بزرگ کا پیٹ پیٹ کر قتل کیے جانے کا معاملہ سامنے آیا ہے۔ الزام ہے کہ ضلع کے سب سے بزرگ سرپنچ پستا بائی چتّر کے بڑے بیٹے بھنور لال جین کو مسلمان ہونے کے شبہ میں موت کے گھاٹ اتار دیا گیا۔