بابری مسجد انہدام: کلیان سنگھ پر سازش رچنے، نفرت پھیلانے کے الزامات طے، نجی مچلکہ پر ضمانت

Source: S.O. News Service | Published on 28th September 2019, 10:49 AM | ملکی خبریں |

لکھنؤ،28؍ستمبر (ایس او نیوز؍ایجنسی)  بی جے پی لیڈر و سابق وزیر اعلی اترپردیش کلیان سنگھ بابری مسجد انہدام سے متعلق ایک مجرمانہ معاملے میں جمعہ کو سی بی آئی کی خصوصی عدالت کے سامنے خودسپردگی کی۔ بعد میں عدالت نے 2 لاکھ روپئے کے مچلکے پر انہیں ضمانت دے دی۔ عدالت کی طرف سے انہیں سازش رچنے اور نفرت پھیلانے کا قصوروار قرار دیا گیا ہے۔

جمعہ کی دوپہر کلیان سنگھ سریندر کمار یادو کی سی بی آئی کی خصوصی عدالت کے سامنے پیش ہوئے اور خودسپردگی کی عرضی داخل کی۔ کلیان سنگھ کی خودسپردگی کے بعد عدالت نے ان پر آئی پی سی کے 153(اے)، 153(بی)، 295 دفعات کے تحت چارج فریم کئے۔
سابق وزیر اعلی کو حراست میں لے لیا گیا لیکن کلیان سنگھ کے وکلاء نے ان کی صحت کا حوالہ دیتے ہوئے ضمانت کی عرضی داخل کردی۔ اس کے بعد عدالت نے 2 لاکھ روپئے کے مچلکے پر ان کو ضمانت دے دی۔

عدالت نے گذشتہ ہفتے سی بی آئی کو ہدایت دی تھی کہ وہ کلیان سنگھ کو 27 ستمبر کو عدالت کے سامنے پیش کریں۔ عدالت کے حکم نامے کے مطابق ’’ ہمیں اس بات کی اطلاع دی گئی ہے کہ راجستھان میں نئے گورنر کی تقرری ہوگئی اور مسٹر سنگھ اپنے عہدے سے فارغ ہوگئے ہیں۔اس کا بذات خود نوٹس لیتے ہوئے عدالت نے سی بی آئی کو ہدایت دی کہ وہ مسٹر سنگھ کو 27 ستمبر کو عدالت کے سامنے پیش کرے‘‘۔

سپریم کورٹ نے 19 اپریل 2017 کو بی جے پی کے سینئر لیڈر لال کرشن اڈوانی، مرلی منوہر جوشی اور اما بھارتی کے خلاف مجرمانہ سازش کے الزام پھر سے بحال کرنے کا حکم دیا تھا۔ اس معاملے میں بی جے پی کے سینئر لیڈر لال کرشن اڈوانی ،مرلی منوہر جوشی، اما بھارتی، سادھوی رنتنبھرا اور مہنت نرتے گوپال داس ضمانت پر ہیں۔

قابل ذکر ہے کہ 6 دسمبر 1992 کو جب بابری مسجد کو شہید کیا گیا تھا اس وقت کلیان سنگھ اترپردیش کے وزیر اعلی تھے۔ اس معاملے میں سی بی آئی کی عرضی پرکلیان سنگھ کے خلاف کیس چلانے کی اجازت طلب کی گئی تی۔ اس معاملے میں کلیان سنگھ کو چھوڑ کر دیگر سبھی ملزم ضمانت پر ہیں۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...