کاروار:12؍ مئی (ایس اؤ نیوز) بحرہ عرب میں ہوا کے دباؤ میں کمی ہونےکے نتیجےمیں 15مئی کو طوفانی ہواؤں کے ساتھ بارش ہونے کے متعلق محکمہ موسمیات نے پیشگی اطلاع دی ہے۔

15مئی کو ساحلی پٹی کے اضلاع میں طوفانی ہوائیں چلنے کا امکان ہے۔ اس لئے ماہی گیروں کو ہدایات دی گئی ہیں کہ وہ گہرے سمندر میں مچھلی شکار کے  لئے نہ جائیں۔ اور جو سمندر میں مچھلی شکار کے لئے گئے ہیں انہیں 12مئی کی رات 12بجے سے پہلے ساحل پہنچنے ضلع انتظامیہ نے حکم دیا ہے۔ اس موقع پر فوری ضرورت محسوس ہوتو کنٹرول روم نمبر24x7کے ٹول فری نمبر 1077یا واٹس ایپ نمبر 9483511015پر رابطہ کرنے کی اپیل کی گئی ہے۔

گجرات کے ساحلی علاقوں پر ہوا کا دباؤ کمزور ہوتاہے یا کم ہوتاہے تو وہ طوفان میں منتقل ہوکر عمان کے ساحل ، پاکستان اور گجرات کے کچھ نامی شہر سےہوتے ہوئے مئی 20تک جاری رہنےکے امکانات ہیں۔ اس دوران سمندر سرکش ہونے اور مہاراشٹرا، کرناٹکا کے ساحلی علاقے ، کیرلا،لکش دیپ اور تمل ناڈوکے چند مقامات پر بارش ہونے کی محکمہ موسمیات نے جانکاری دی ہے۔ بتایا جارہاہے کہ رواں سال کا یہ پہلا طوفان ہوگا جس کو مینمار نے ’ٹاؤکٹے‘(چپکلی)کے نام سے موسوم کیا ہے۔