بنگلورو: کے ایس آر ٹی سی کے زیر اہتمام”عالمی یوم ماحولیات منا یا گیا، اگلے4ماہ میں 4,500پودے لگانے ڈویژنل سطح پر منصوبہ تیار
بنگلورو، 6؍جون (ایس او نیوز؍ایجنسی)کرناٹک اسٹیٹ روڈ ٹرانسپورٹ کارپوریشن(کے ایس آر ٹی سی) حدود کے بس اسٹانڈ، ڈپو،ریجنل مراکز اور تربیتی مراکز میں پودے لگا تے ہو ئے”عالمی یوم ماحولیات“ منا یا گیا۔کے ایس آر ٹی سی سنٹرل دفتر کے احاطہ میں پودے لگاتے ہو ئے یوم ما حولیات پروگرام کا آغاز کیا گیا۔
اس موقع پر کے ایس آر ٹی سی کے چیف ٹرافک منیجر(کمرشیل) کے آر وشواناتھ، ڈپٹی چیف انجینئر انیل کمار، بورڈ کی سکریٹری لتا ٹی ایس،ڈپٹی چیف کمپوٹر منیجر گرو راج،سنکلپ ا ترو فاؤنڈیشن کے ارجن و دیگر حاضر رہے۔ اس موقع پر بتا یا گیا کہ اگلے4ماہ میں فاؤنڈیشن کے تعاون سے 4,500پودے لگانے ڈویژنل سطح پر منصوبہ تیار کیا گیا ہے اور کارپوریشن کے15ڈویژنوں میں ماحولیات آلودگی ناپنے کے مراکز کو قائم کیا گیا ہے۔
وشواناتھ نے بتا یا کہ کارپوریشن کے پراکرتی نامی موٹر گاڑی کے ساتھ تمام تکنیکی عملہ تمام ڈپو کا جائزہ لے کر ماحولیاتی آلودگی کا جا ئزہ لیتا ہے اور بس اسٹانڈ، ڈپو اور ڈویژنل دفاتر کے اطراف واکناف کھلے عام رفع حاجت پر پابندی عائد ہے۔انہوں نے کہا کہ اس کی خلاف ورزی کرنے والوں پر2021-22کے دوران9لاکھ13ہزار500روپئے جرمانہ عائد کیا گیا ہے۔انہوں نے بتا یا کہ اسی طرح جگہ جگہ تھوکنے پر پابندی عائد ہے، اس کی خلاف ورزی کرنے والے شخص کو 100روپئے جرمانہ عائد کیا جاتا ہے،جس کے تحت ابتک4لاکھ22ہزار800روپئے جرمانہ عائد کیا گیا ہے۔