بھٹکل میں گنیش اتسوا دھوم دھام سےمنانے رکن اسمبلی سُنیل نائک کی اپیل، کہا؛ ہماری حکومت ہے، تہوار کے لئے کوئی شرائط نہیں
بھٹکل:27؍اگست (ایس اؤ نیوز) اس مرتبہ منائے جانے والے گنیش تہوار کے موقع پر کوئی شرائط وغیرہ نہیں ہونگے، یہ بات بھٹکل ہوناور ودھان سبھا حلقہ کے رکن اسمبلی سنیل نائک نے پریس ریلیز جاری کرتے ہوئے کہی ہے۔ انہوں نے کہا کہ ہماری حکومت ہے ، عوام دھوم دھام سے گنیش اتسوا منائیں۔
پریس ریلیز میں کہا گیا ہے کہ پچھلی ریاستی حکومت نے گنیش اتسوا منانے کے دوران ملفوف لیٹرلے کر اتسوا منانے والوں کو ہراساں کرتی تھی ۔ اب ریاست میں یڈیورپا کی حکومت ہے ، یہ حکومت عوامی جذبات کے مطابق کام کرے گی ۔ اس سلسلے میں ضلع پولس ایس پی کے ساتھ بات چیت ہوچکی ہے۔ انہوں نے تمام لوگوں سے پرامن طریقے سے گنیش اتسوامنانے ہر طرح کا تعاون دینے کی بھی اپیل کی ہے۔