کے جی ہلی، ڈی جے ہلی تشدد کی جانچ سابق میئر سمپت راج کو سی سی بی کا سمن جاری

Source: S.O. News Service | Published on 18th September 2020, 10:53 PM | ریاستی خبریں | ان خبروں کو پڑھنا مت بھولئے |

بنگلورو،18؍ستمبر(ایس او نیوز) بنگلورو کے کے جی ہلی اور ڈی جے ہلی میں پیش آنے والے پرتشدد واقعات کی جانچ کے سلسلہ میں سنٹرل کرائم برانچ نے شہر کے سابق میئر اور دیورجیون ہلی کے سابق کارپوریٹر سمپت راج کو پوچھ گچھ کے لئے حاضر ہونے کے لئے سمن جاری کیا لیکن انہوں نے کورونا وائرس سے متاثر ہوجانے کے سبب ہوم آئسولیشن میں ہونے کی وجہ سے حاضر ہونے سے معذرت کرلی ہے۔

بتایا جاتا ہے کہ 11اگست کی شب کے جی ہلی اور ڈی جے ہلی پولیس تھانوں کے باہراور کاول بیرسندرا میں رکن اسمبلی آر کھنڈا سرینواس مورتی کا گھر جلانے کے سلسلہ میں سی سی بی نے پوچھ تاچھ کے لئے سمپت راج کو طلب کیا ہے۔

پولیس نے بتایا کہ پہلے سمپت راج کے گھر نوٹس بھیجا گیا تو وہاں اسے لینے کے لئے کوئی موجود نہیں تھا جس کے بعد انہیں واٹس ایپ کے ذریعے نوٹس روانہ کیا گیا۔ بتایا جاتاہے کہ واٹس ایپ پر نوٹس ملنے کے بعد سمپت راج نے سی سی بی کے افسروں سے رابطہ کیا اور انہیں بتایا کہ فی الحال کورونا وائرس سے متاثر ہونے کے سبب وہ ہوم کوارنٹائن ہیں۔ جیسے ہی کوارنٹائن کی مدت پوری ہو گی وہ پوچھ گچھ کے لئے خود ہی حاضر ہو جائیں گے۔

یاد رہے کہ اس سے پہلے سی سی بی نے رکن اسمبلی آر کھنڈا سرینواس مورتی کی رہائش گاہ کو جلا نے کے الزام میں سمپت راج کے پی اے ارون کو گرفتار کیا ہے اور اس سے پوچھ تاچھ کے دوران پولیس کو تشدد کے پیچھے کارفرما سازش کے متعلق کئی اہم سراغ ملے ہیں۔

ایک نظر اس پر بھی

بنگلورو میں ریکارڈبارش،برساتی نالے لبریز،سڑکیں تالاب میں بدل گئیں۔ مسلسل تین گھنٹے کی بار ش سے جنوبی بنگلوروزیرآب،500مکانات پانی پانی

بروزجمعہ شہر بنگلورمیں گھن گرج وچمک کے ساتھ مسلسل تین گھنٹوں تک ہوئی موسلادھاربارش سے راجدھانی کے عوام دہل گئے اورشہربارش کے پانی سے دھل گیا۔

ضمنی انتخابات پر وزراء کے ساتھ وزیر اعلیٰ کی خفیہ میٹنگ، ضمنی انتخابات کے نتائج کا اثر حکومت پر نہیں پڑے گا: ایڈی یورپا

دو اسمبلی حلقوں آر آر نگر اور سرا میں ہورہے ضمنی انتخابات سے متعلق وزیر اعلیٰ بی ایس ایڈی یورپانے آج ریاستی وزراء سے خفیہ میٹنگ کی اور یہ امید ظاہر کی کہ دونوں حلقوں میں ان کی پارٹی کامیاب ہوگی۔

کرناٹک کو فوری 10ہزار کروڑ کے خصوصی پیکیج کا اعلان کرنے وزیراعلیٰ نے لکھا خط، 30/ہزار مکانات تباہ

ماہ اگست، ستمبر اور اکتوبر کے دوران بشمول کلیان کرناٹک، ممبئی کرناٹک ریاست کے مختلف مقامات پر ہوئی زبردست بارش اور سیلاب سے ہوئے نقصانات کیلئے فوری 10/ہزار کروڑ روپئے کا خصوصی پیکیج جاری کرنے وزیر اعلیٰ بی ایس ایڈی یورپا نے وزیر اعظم نریندر مودی کو خط لکھا ہے۔

جی ایس ٹی ریٹرن فائل کرنے کی آخری تاریخ میں توسیع

مرکزی بورڈ برائے بالواسطہ ٹیکس اور کسٹم نے مالی سال 19-2018 کے لیے جی ایس ٹی آر 9، جی ایس ٹی آر 9 اے اور جی ایس ٹی آر-9 سی کے تحت جی ایس ٹی ریٹرن داخل کرنے کی آخری تاریخ میں دوماہ کی توسیع کرتے ہوئے 31 دسمبر 2020 کر دی ہے۔