بنگلورو،21/نومبر(ایس او نیوز) گرین زون کی حدود میں آنے والی زرعی زمینات کو قوانین کی خلاف ورزی کر کے لے آؤٹس تعمیر کرنے اور سائٹوں کی فروخت میں تعاون کے الزام میں سنٹرل کرائم برانچ (سی سی بی) پولیس نے دو اسٹامپ ونڈرز کو گرفتار کرلیا ہے- گرفتار شدہ افراد کی شناخت پینیا سکینڈ اسٹیج کے آر رنگا سوامی (49) اور ٹی داسرہلی راوندرا نگر کے کے شیوپا (39) کے طور پر کی گئی ہے- سی سی بی پولیس کے مطابق دونوں رامنا پورہ اور لگ گیرے کے سب رجسٹرار آفس کے پاس اسٹامپ پیپر فروخت کررہے تھے- گرفتار شدہ افراد محکمہ اسٹامپنگ اینڈ رجسٹریشن کے ملازمین کے ساتھ مل کر زرعی زمینات کو خشکی زمین کے طوپر تبدیل کر کے سائٹوں کو فروخت کرنے کے لئے کئی بلڈرز اور رئیل ایسٹیٹ ایجنٹوں کی مدد کررہے تھے- رئیل ایسٹیٹ کا دھندہ کررہے افراد کھیتوں کی نشاندہی کر کے کسانوں سے زمین خریدا کرتے، بعد میں گرفتار شدہ افراد اور سرکاری ملازمین کی مدد سے زمین کو سائٹوں میں تبدیل کر کے لے آؤٹ تعمیر کرنے لگے تھے- گرفتار شدہ افراد نے سب رجسٹرار دفتر کے چند ملازمین کے ساتھ مل کر محکمہ محصولات کی زمینات اور دیگر سائٹوں کو غیر قانونی طریقے سے رجسٹریشن کر تے ہوئے حکومت کو کروڑوں روپئے کا نقصان پہنچارہے تھے- سی سی بی پولیس کے مطابق اس معاملہ میں دیگر اسٹامپ ونڈرز بھی ملوث ہونے کا شبہ ہے- سی سی بی پولیس نے اس معاملہ میں سب رجسٹرار دفتر کے 11ملازمین سے پوچھ گچھ کی ہے اور معاملہ کی تفتیش جاری ہے-