گزشتہ برس سے پانچ فیصد زیادہ طلبا پاس، طالبات نے ہمیشہ کی طرح بازی ماری

Source: S.O. News Service | Published on 14th July 2020, 10:35 AM | ملکی خبریں |

نئی دہلی،14؍جولائی (ایس او نیوز؍یو این آئی) سنٹرل بورڈ آف سیکنڈری ایجوکیشن (سی بی ایس ای) کی 12 ویں جماعت کی طالبات نے ایک بار پھر بازی ماری ہے اور اس بار پانچ فیصد زیادہ طلبا بھی پاس ہوئے۔

سی بی ایس ای کی جانب سے پیر کے روز نتائج میں تریویندرم علاقہ 97.7 فیصد کے ساتھ پہلے مقام پر رہا جبکہ پٹنہ 74.57 فیصد کے ساتھ سب سے نچلے مقام پر رہا ہے۔ اس برس 92.15 فیصد طالبات اور 86.19 فیصد طلبا پاس ہوئے ہیں جبکہ 67.67 فیصد مخنث طلبا کامیاب ہوئے۔

ملک کے اسکولوں میں جواہر نوودیہ ودیالیہ 98.7 فئصد نتیجوں کے ساتھ سبھی اسکولوں میںسب سے آگے رہا جبکہ سنٹرل اسکول آرگنائزیشن 98.2 نتائج کےساتھ دوسرے مقام پر ہے۔ سینٹرل تبت اسکول کے نتیجے 98.23 فیصد رہے۔ سرکاری اسکول کے نتائج 94.94 فیصد اور سرکاری امداد یافتہ اسکول 91.56 فیصد نتیجے رہے ۔

سی بی ایس ای کی ریلیز کے مطابق اس برس 13109 اسکولوں کے 1192961 طلبا نے امتحانات دیئے جن میں سے 1059080 طلبا پاس ہوئے اور اس طرح اس برس پاس ہونے کی شرح 88.78 فیصد رہی جو گزشتہ برس کی مقابلہ 5.38 فیصد زیادہ ہیں۔اس برس گزشتہ برس کے مقابلے کم طلبا امتحان میں بیٹھے۔

ریلیز کے مطابق اس برس بنگلور 90.05 فیصد نتائج کے ساتھ دوسرے جبکہ چنئی 96.17 ، مغربی دلی 94.61، مشرقی دلی 92.24، پنچکولہ 92.52، چنڈی گڑھ 92.04، بھونیشور 91.46، بھوپال 90.5، پونے 90.24، اجمیر 87.60، نوئیڈا 84.87۔ گوہاٹی 83.37، دہرہ دون 83.22، پریاگ راج 82.49 فیصد مقام پر رہا۔

اس برس 95 فیصد سے زیادہ نمبر حاصل کرنے والے طلبا کی تعداد 30686 ہے جبکہ 90 فیصد سے زیادہ نمبر حاصل کرنے والوں کی تعداد 157934 ہے۔

ایک نظر اس پر بھی

فوج اور قومی سکیورٹی سے جڑی جانکاری افشا کرنا ملک سے غداری۔ پی ایم مودی، امیت شاہ اور ارنب گوسوامی نے ملک سے کھلواڑ کیا: کانگریس

ریپبلک ٹی وی کے ایڈیٹر اِن چیف ارنب گوسوامی اور ٹی وی ریٹنگ ایجنسی بارک کے سابق سی ای او پارتھو داس گپتا کے درمیان ہوئے مبینہ واٹس ایپ چیٹ کو لے کر کانگریس نے سخت رخ اختیار کر لیا ہے-

آر جے ڈی رہنما شیام رجک کو ملی ترقی، پارٹی نے بنایا قومی جنرل سکریٹری 

بہار حکومت میں سابق وزیر اور آر جے ڈی رہنما شیام رجک کو پارٹی نے ترقی دی ہے۔ شیام رجک جنہیں حال ہی میں آر جے ڈی ریاست کا نائب صدر بنایا گیا تھا ان کو آر جے ڈی ہائی کمان نے پارٹی کے قومی جنرل سکریٹری کے عہدے پر نامزد کیا ہے۔

کسانوں کی ٹریکٹر ریلی پر سپریم کورٹ کا پھر مداخلت سے انکار؛کہا؛ یہ پولیس کے دائرہ اختیار کا معاملہ ہے

26 جنوری کو ہونے والی کسانوں کی  ٹریکٹر ریلی سے متعلق دہلی پولیس کی درخواست پر سپریم کورٹ نے ایک بار پھر کہا  کہ دہلی پولیس کو ریلی سے متعلق فیصلہ لینے کا اختیار ہے۔ سولیسٹر جنرل  نے جب بحث کا آغاز کیا اور 25 جنوری کو کیس کی سماعت کرنے کو کہا تو  چیف جسٹس نے سولیسٹر جنرل کو بتایا ...