اڈپی ضلع پولیس نے کروائی گائیں چرانے کے معاملات میں ملوث157 افرادکی پریڈ۔ شہر بدرکرنے اور غنڈہ ایکٹ لاگو کرنے کی دی گئی وارننگ

Source: S.O. News Service | By I.G. Bhatkali | Published on 16th July 2019, 1:00 PM | ساحلی خبریں |

اڈپی 16/جولائی (ایس ا و نیوز)اڈپی ضلع میں پولیس نے گائیں چرانے کے معاملات میں شامل رہنے والے افراد کو مختلف مقامات پر طلب کرکے ان کی اجتماعی پریڈ کروائی اور انہیں تنبیہ کرتے ہوئے کہا کہ آئندہ اس طرح کی وارداتوں میں اگر وہ ملوث ہونگے تو پھر ان کے خلاف شہر بدر کرنے یا پھر غنڈہ ایکٹ لاگو کرنے جیسے اقدامات کیے جائیں گے۔

 پولیس کے موڈس آپرینڈی بیوریو(ایم او بی)کے پاس موجود فہرست میں جگہ پانے والے جملہ 157افراد کو اڈپی، کارکلا اور کنداپور سب ڈیویژ ن سطح پر طلب کیا گیا تھا۔کنداپورپولیس سب ڈیویژن میں یہ پریڈ رکتیشوری مندر کے ہال میں کروائی گئی۔اس میں کنداپور پولیس اسٹیشنوں کے حدود میں آنے والے 15، کنداپور مضافاتی پولیس اسٹیشنوں کے 14، بیندور پولیس اسٹیشن حدود کے 6،شنکر نارائن علاقے سے 5، کولّور سے 4، گنگولی سے 4اور امباگل سے2لوگو ں کے ساتھ جملہ 50افراد کو جمع کیا گیا تھا۔اس موقع پر اڈپی ضلع ایس پی نیشا جیمز، کنداپورپولیس سب ڈیویژن کے افسر نی پی دنیش کمار اور کنداپور ڈیویژن کے دیگر پولیس افسران موجود تھے۔

اڈپی پولیس سب ڈیویژن میں گائے چوری کے معاملات میں ملوث پائے جانے والے افراد کی پریڈ اڈپی ڈی وائی ایس پی ٹی آر جئے شنکر کی قیادت میں سرکل پولیس انسپکٹر کے دفتر میں کروائی گئی۔یہاں پر کوٹا پولیس حدود میں آنے والے 11، ہیریاڈکا سے 10، ملپے سے 7 اور برہماور سے 4 افرادکے ساتھ جملہ 32لوگوں کو جمع کیا گیا تھا۔

 کارکلا میں پولیس سب ڈیویژن کے دفتر کے سامنے ہی گائے چوروں کی فہرست میں شامل افراد کی پریڈ کروائی گئی۔اس میں کارکلا شہری حدود سے 7، کارگلا مضافات سے 14، ہیبری پولیس اسٹیشن حدود سے 15،آجیکارو سے 8، کاپو سے 9،پڈوبیدری سے 10اور شیروا سے 12لوگوں کے ساتھ جملہ 75 افراد کوطلب کیا گیا تھا۔اس موقع پر اڈپی ضلع ایڈیشنل ایس پی کمار چندرا، کارکلا پولیس سب ڈیویژن آفیسر پی کرشنا کانت اور دیگر افسران موجود تھے۔

پولیس کے موڈس آپرینڈی بیوریو (کسی جرم کو مخصوص یکساں طریقے سے انجام دینے والوں پر نظر رکھنے والا شعبہ) کی فہرست میں شامل افراد کو ایسے جرائم سے باز رہنے کی تاکید کرتے ہوئے شہر بدر(تڑی پار)کرنے اور غنڈہ ایکٹ لگانے کی وارننگ دینے کے علاوہ بتایا گیا کہ ان کے تعلق سے تمام سب ڈیویژنل میجسٹریٹس کو تفصیلات روانہ کردی گئی ہیں۔گائے چوروں کی فہرست میں شامل افراد کی پریڈ کروانے کے بعد ان سے بڑی رقم کی ضمانت والے بانڈز پر دستخط بھی کروائے گئے۔ ضلع ایس پی نیشا جیمز نے بتایا کہ گزشتہ مہینے میں پولیس اسٹیشنوں کی سطح پر اس طرح کی پریڈ کروائی جاچکی ہے۔

ایک نظر اس پر بھی

مینگلور میں بھی بھٹکلی طالب علم کا شاندار پرفارمینس؛ تیسری بارلگاتار یونیورسٹی بلیو کا خطاب

 مینگلور کی ایس ڈی ایم لاء کالج میں زیر تعلیم  بھٹکل کا فٹ بال کھلاڑی محمد رائف گنگاولی نے اپنی کالج کی نمائندگی کرتے ہوئے پھر ایک باربہترین پرفارمینس پیش کرکے یونیورسٹی بلیو کا خطاب جیتنے میں کامیاب ہوگیا ہے جس کے ساتھ ہی وہ اب کرناٹکا اسٹیٹ لاء یونیورسٹی ہبلی کی نمائندگی ...

یلاپور ضمنی انتخاب میں بی جے پی کے شیورام ہیبار نے درج کی زبردست جیت

ضلع اُترکنڑا کے یلاپور منڈگوڈ اسمبلی حلقے سے ضمنی انتخاب میں بی جے پی کے امیدوار شیورام ہیبار نے 31,406ووٹوں کی اکثریت سے زبردست جیت درج کرتے ہوئے اپنے قریبی حریف کا نگریسی امیدوار بھیمنّا نائک کو شکست دے دی ہے۔

مینگلور کے قریب اپن انگڈی میں بیف سے بھرا کنٹینر ضبط۔، ڈرائیورگرفتار

یہاں سے قریب 55 کلو میٹر دور اپن انگڈی میں مصدقہ اطلاع کی بنیاد پر گاڑیوں کی چیکنگ کے دوران پولس نے ایک بیف سے بھرا کنٹینر ضبط کرلیا اور رضوان نامی ڈرائیور کو گرفتار کرلیا جس کے تعلق سے پولس کا کہنا ہے کہ یہ گوشت غیرقانونی طور پر لے جایا جارہا تھا۔

گوا میں ایک روزہ قومی سیمنار ”اردو زبان و ادب کی ترقی میں خواتین کا حصہ “؛ گوا میں فروغ اردو کی تمام اسکیمیں نافذ کرنے کی قومی کونسل ڈائرکٹر نے ظاہر کی خواہش

گوا ہندوستان کا وہ خوبصورت اور طلسماتی جزیرہ ہے جو اپنی سیاحتی اور ثقافتی اہمیت کے پیش نظر پوری دنیا میں مشہور ہے۔یہاں کے ساحل سمندر سے وابستہ مختلف سیاحتی مقامات کی سیر کو پوری دنیا کے سیاح آتے ہیں۔ میری خواہش ہے کہ اس خوبصورت جادو نگری میں اردو جیسی خوبصورت زبان کو ترقی دی ...