محمد محسن کی معطلی کا معاملہ طول پکڑ گیا، الیکشن کمیشن کے سکریٹری کے خلاف بنگلور میں مجرمانہ شکایت درج

Source: S.O. News Service | By Jafar Sadique Nooruddin | Published on 21st April 2019, 3:18 AM | ریاستی خبریں |

بنگلور :20 /اپریل ( ایس او نیوز) وزیراعظم مودی کے ہیلی کاپٹر کی تلاشی کو لے کر اپنی فرض شناسی کا ثبوت پیش کرنے والے کرناٹک کیڈر کے آئی اے ایس افسر محمد محسن کی غیر ضروری معطلی نے خود الیکشن کمیشن کوگھیرے میں لے لیاہے ۔ محمد محسن پر ہوئی زیادتی کے خلاف آواز اٹھاتے ہوئے بنگلور جنادھیکار سنگھرش پریشد نے الیکشن کمیشن کے سکریٹری کے خلاف مجرمانہ شکایت درج کردی ہے ۔

محمد محسن کی معطلی کا جواز پیش کرتے ہوئے الیکشن کمیشن نے جون 2014ء کے جس حکمنامے کا حوالہ دیاتھا اس میں ایسی کوئی صراحت نہیں ہے کہ وزیراعظم سمیت ایس پی جی سیکورٹی حاصل کرنے والی کسی بھی اہم شخصیت کو الیکشن کمیشن کے افسر کی تلاشی سے استثنیٰ حاصل ہے ۔ بنگلور کی جنادھیکاپریشد نے محمد محسن کی معطلی کے خلاف یہ شکایت ڈائرکٹر جنرل آف پولیس اور شہر کے پولیس کمشنر کو سونپی ہے اور اس سلسلے میں الیکشن کمیشن کے سکریٹری کے خلاف کارروائی کرنے کی مانگ کی ہے ۔ پریشد نے کہاہے کہ کمیشن نے ایک دیانتدار افسر کے خلاف ایک ایسے سرکیولر کاحوالہ دیاہے جس کا وجود ہی نہیں ہے ، اگر وجود ہے تو اس میں ایسی ہدایت نہیں ہے کہ وزیراعظم کی کوئی بھی گاڑی ضرورت پڑنے پر تلاشی سے مستثنیٰ ہے ۔ پریشد کے عہدیداروں آدرش ایئر ، پرکاش بابو اور وی بی وشواناتھ نے ریاستی پولیس کے اعلیٰ حکام کو یہ شکایت پیش کی ہے۔ محمد محسن کے خلاف اس کارروائی کی مذمت کرنے والوں میں اے آئی سی سی کے خازن احمد پٹیل ، سابق وزیراعلیٰ سدرامیا ،دہلی کے وزیراعلیٰ اروند کجریوال سمیت دیگر قومی سیاسی جماعتوں کے کئی رہنماشامل ہیں ۔ یہاں شکایت درج کرانے والوں نے سی آر پی کی دفعات ، 154اور تعزیرات ہند کی دفعہ 167کے تحت الیکشن کمیشن کے سکریٹری پر شکایت درج کی گئی ہے ۔ انہوں نے کہاکہ الیکشن کمیشن کی اس جانبدارانہ کارروائی کے سبب دیگر سرکاری افسروں کو اپنا کام بے خوف ہوکر انجام دینے میں رکاوٹ حائل ہوگی۔ دیگر سرکاری افسر بھی اس رویے کے سبب خوفزدہ ہوجائیں گے ۔ 

ایک نظر اس پر بھی

بنگلورو کےپروگرام میں ’پاکستان زندہ باد‘ کا نعرہ ؛ امولیا کو سی اے اے مخالف احتجاجیوں نے کردیا باہر ؛ کیا تھا امولیا کا منشاء ؟

شہریت قانون کی مخالفت میں ٹیپو سلطان فرنٹ کے زیراہتمام بنگلور کے فریڈم پارک میں منعقدہ احتجاجی جلسہ میں اچانک  امولیا نامی خاتون مقرر نے پاکستان زندہ باد کے نعرے لگانے شروع کردیے  جس پر منتظمین اور اسٹیج پر تشریف فرما حیدر آباد کے رکن پارلیمان اسد الدین اویسی  حیرت میں پڑ ...

منگلورو: شہریت ترمیمی قانون مخالف احتجاج کے دوران ہوئے لاٹھی چارج اور فائرنگ معاملے میں ایف آئی آر درج ہونا چاہیے؛ ہائی کورٹ کا تیکھاتبصرہ

منگلورو میں شہریت ترمیمی قانون کے خلاف19دسمبر2019 کو ہوئے پرتشدد احتجاج کے دوران پولیس کی طرف سے کیے گئے لاٹھی چارج اور فائرنگ کے سلسلے میں کرناٹکا ہائی کورٹ کی ڈیویزن بنیچ کے رکن جسٹس جان مائیکل نے تبصرہ کرتے ہوئے کہا کہ پولیس کوا س معاملے میں ایف آئی درج کرنا چاہیے۔

بنگلور وسٹی پولیس وائٹ فیلڈ کو محفوظ بنانے کیلئے سی سی ٹی وی کی نگرانی

اگر آپ وائٹ فیلڈکے علاقہ میں رہتے ہیں تو جلد ہی آپ بنگلور سٹی پولیس کی نگرانی میں ہوں گے، دراصل ٹیکنالوجی کے مرکز اور علاقہ کو جرائم سے محفوظ بنانے، شرارتوں کو ختم کرنے، عوامی اعلانات کو ممکن بنانے اور مجرموں کو پکڑنے کی کارروائی کو آسان بنانے کے لئے پولیس نے اب خانگی اداروں کا ...

بنگلورو سلک بورڈ جنکشن راہگیروں کے لئے خطرناک

الیکٹرانک سٹی اور شرجاپور میں واقع اپنے دفاتر کو جانے کے لئے بسوں کو پکڑنے کے لئے فٹ پاتھوں پر پیدل چلنے اور سلک بورڈ جنکشن کا استعمال کرنے والے ٹیکیوں کا کہنا ہے کہ، یہاں کی سڑکوں پر سے پیدل چل کر جانا ایک خطر ناک معاملہ ہوتا ہے۔

این آرسی بد عنوانیوں میں اضافہ کا سبب بنے گا

شہر بنگلور میں مزدوروں تنظیموں کے رضاکاروں نے تنبیہ کی ہے کہ مرکزی حکومت کی طرف سے قومی رجسٹر برائے شہریت کے نفاذ کی کوئی بھی کوشش بد عنوانیوں کو ہوا دے سکتی ہے اور ملک بھر میں رشوت ستانی کا ماحول پیدا ہو جائے گا جبکہ غیرب لوگوں کو اپنے دستاویزات بنانے یا انہیں درست کرانے کے لئے ...

بی بی ایم پی صفائی کرمچاریوں کیلئے رہائشی اسکیم بی ڈی اے سے تعمیر شدہ فلیٹ کے حق پترا تقسیم

بروہت بنگلور مہانگر پالیکے (بی بی ایم پی) کے صفائی کرمچاریوں کو رہائش کی سہولت فراہم کرنے بنگلور ڈیولپمنٹ اتھارٹی (جی ڈی اے) کی طرف سے فلیٹ تعمیر کئے جارہے ہیں، ان میں سے چند فلیٹ کے حق پترا آج منتخب صفائی کرمچاریوں میں تقسیم کئے گئے۔