انکولہ 5/اکتوبر (ایس او نیوز) سنیچر کے دن صبح کی وقت انکولہ کے ہیبولا نیشنل ہائی وے 63پر کار اور ٹرک کے درمیان خطرناک تصادم ہوا جس کے نتیجے میں کار میں سوار 2افراد موقع پر ہی ہلاک ہوگئے، جبکہ دو افراد کو شدید زخمی حالت میں انکولہ کے سرکاری اسپتال میں منتقل کیا گیا ہے۔

 حادثے میں ہلاک ہونے والوں کی شناخت کاروار کے رہنے والے چندرا مولی ۵۵سال) اور راگھویندرا (25سال)کے طور پر کی گئی ہے۔ بتایاجاتا ہے کہ یہ حادثہ اس وقت پیش آیا جب کار میں سوار افراد بنگلورو سے کاروار کی طرف جارہے تھے، اور ٹرک مخالف سمت سے آرہا تھا۔ تصادم ا س قدر شدید تھا کہ کار کا اگلا حصہ پوری طرح تباہ ہوگیا۔

 حادثے کی اطلاع ملتے ہی انکولہ پولیس کے افسران جائے وقوع پر پہنچ گئے اور معائنہ کرنے کے بعدکیس درج کرلیا اور لاشوں کو پوسٹ مارٹم کے لئے سرکاری اسپتال بھیج دیا۔