منگلورو31/مئی (ایس او نیوز)کلّا پو سے قریب پُل پر کار اور لاری کے درمیان پیش آئے تصادم میں ایک شخص ہلاک ہوگیا جبکہ دیگر پانچ افراد شدید زخمی ہوگئے ہیں۔
اطلاع کے مطابق یہ حادثہ اتوار کی صبح اولین ساعتوں میں قریب پانچ بجے پیش آیا ، جس میں کوور کا رہنے والا چیتن نامی شخص ہلاک ہوگیا جو کار ڈرائیو کررہا تھا۔ کار نے لاری کو اتنی شدت سے ٹکر ماری تھی کار کا اگلا حصہ پوری طرح لاری کے پچھلے حصے میں گھس گیا اورکار بری طرح تباہ ہوگئی۔ ٹریفک پولیس نے موقع پر پہنچ کر لاش کو پوسٹ مارٹم کے لئے روانہ کردیا جبکہ زخمیوں کو علاج کے لئے اسپتال میں منتقل کیا گیا۔