سی بی ایس ای امتحان کے انعقاد پر حکومت نظرثانی کرے: پرینکا گاندھی

Source: S.O. News Service | Published on 12th April 2021, 9:13 AM | ملکی خبریں |

نئی دہلی،12؍اپریل (ایس او نیوز؍ایجنسی) سی بی ایس ای بورڈ نے ایک سرکلر جاری کیا ہے جس میں کہا گیا ہے کہ وہ مئی ماہ میں منعقد ہونے والے بورڈ کے امتحانات کرائے گی، جس پر کانگریس کی جنرل سکریٹری پرینکا گاندھی نے وزیر تعلیم رمیش پوکڑیال نشانک کو خط لکھا ہے۔ انہوں نے اس سرکولر کو ایک 'چونکا دینے والا' فیصلہ قرار دیا۔ انہوں نے کہا کہ والدین کے ذریعہ اس معاملے میں 'خدشات' کا اظہار کرنے کے باوجود سی بی ایس ای نے امتحان لینے کا فیصلہ کیا ہے۔ انہوں نے کہا کہ والدین کے یہ 'خدشات' غیر معقول نہیں ہیں، لہذا امتحان منسوخ ہونا چاہیے۔

انہوں نے اپنے خط میں کہا کہ "بڑے پیمانے اور ہجوم والے امتحانی مراکز میں طلبا کی حفاظت کو یقینی بنانا عملی طور پر ناممکن ہوگا۔ اس کے علاوہ کورونا وائرس کے پھیلاؤ کو دیکھتے ہوئے، یہ صرف ان طلباء کے لئے نہیں ہے جو خطرے میں ہیں، بلکہ ان کے اساتذہ، ان کے ساتھ رابطے میں رہنے والے امتحان مراکز کے نگراں اور ان کے کنبہ کے افراد کو بھی خطرہ لاحق ہے۔ اگر کوئی بھی مرکز ہاٹ اسپاٹ ثابت ہوتا ہے تو، حکومت اور سی بی ایس ای بورڈ کو اس واقعے کے لئے ذمہ دار ٹھہرایا جائے گا۔"

پرینکا گاندھی نے مزید کہا کہ "یہ صرف ان بچوں کی جسمانی صحت ہی نہیں ہے بلکہ ان کی نفسیات کے بارے میں بھی ہے جس کے گہرے اثرات ان بچوں پر مرتب ہوسکتے ہیں۔ انھیں پہلے ہی امتحان کے بے حد دباؤ کا سامنا کرنا پڑتا ہے، مزید یہ کہ وہ اب ان حالات سے بھی خوفزدہ ہوں گے، جس میں وہ ہوں گے۔"

ایک نظر اس پر بھی

کورونا کا خاتمہ جولائی تک نہیں ہوگا: ایکسپرٹ

جس طرح کورونا کے نئے معاملوں کی تعداد میں کمی درج ہو رہی ہے اس سے یہ امید بنی ہے کہ ہندوستان میں کورونا کی دوسری لہر کا خاتمہ جلد ہو جائے گا لیکن وبائی بیماریوں کے ماہر شاہد جمیل کا کہنا ہے کہ بھلے ہی ابھی کچھ ریاستوں میں کورونا کے کیس کم ہوتے نظر آ رہے ہوں لیکن دوسری لہر کا ...

سادگی کے ساتھ عید منائیں اور چھوٹی جماعت کے ساتھ عید کی نماز ادا کریں ، سرکردہ مسلم رہنماوں کی مسلمانوں سے اپیل

آل انڈیا مسلم پرسنل لاء بورڈ کے صدر مولانا رابع حسنی ندوی ۔ جمعیت علماءہند کے صدر مولانا ارشد مدنی ۔ جماعت اسلامی ہند کے امیر سید سعادت اللہ حسینی سمیت دیگر سرکردہ علماء اور مسلم قائدین مسلمانوں نے اپیل کی ہے کہ وہ کرونا کے بڑھتے خطرات کے پیش نظر احتیاط کریں اور مختصر جماعت ...

لاک ڈاؤن پر ہو سختی سے عمل: اشوک گہلوت

راجستھان میں عالمی وبا کورونا کی دوسری لہر کی چین توڑنے کے لئے آج صبح 5بجے سے لے کر 24 مئی تک سخت لاک ڈاؤن نافذ ہوگیا ہے۔ اس مدت کے دوران، ہنگامی اور ضروری خدمات، میڈیکل، دودھ اور دیگر ضروری خدمات کے لئے رعایت رہے گی۔