کینیڈا کا ترکی کو ہتھیاروں کی برآمد روک دینے کا اعلان

Source: S.O. News Service | Published on 17th October 2019, 10:46 AM | عالمی خبریں |

اٹاوا،17؍اکتوبر (ایس او نیوز؍ایجنسی) کینیڈا کی حکومت نے اعلان کیا ہے کہ اس نے ترکی کے لیے نئے ایکسپورٹ پرمٹس بالخصوص عسکری ساز و سامان کی برآمدات سے متعلق اجازت ناموں کا اجراء عارضی طور معطل کر دیا ہے۔

منگل کے روز جاری ایک بیان میں کینیڈا کی وزارت خارجہ کا کہنا ہے کہ "کینیڈا کی طرف سے شام میں ترکی کی عسکری مداخلت کی شدید مذمت کی جاتی ہے"۔ بیان میں واضح کیا گیا کہ "یہ یک طرفہ کارروائی خطے کے استحکام کو سبوتاژ کر دے گی جو کہ درحقیقت پہلے ہی کمزوری سے دوچار ہے۔ اس سے انسانی صورت حال ابتر ہو گی اور ترکی سمیت بین الاقوامی اتحاد کی جانب سے داعش تنظیم کے خلاف پیش رفت برباد ہو جائے گی"۔

کینیڈا کی وزارت خارجہ نے زور دیا کہ "ہم شہریوں کے تحفظ کا مطالبہ کرتے ہیں اور تمام فریقوں پر زور دیتے ہیں کہ وہ بین الاقوامی قانون کی پاسداریوں کا احترام کریں ، ان میں انسانی امداد کا بنا کسی رکاوٹ پہنچنا شامل ہے ..... حالیہ پیش رفت کی روشنی میں کینیڈا نے ترکی کے لیے برآمدات کے نئے اجازت ناموں کے اجرا کو عارضی طور پر معطل کر دیا ہے"۔

کینیڈا سے قبل کئی مغربی ممالک مماثل اقدامات کا اعلان کر چکے ہیں۔ ان میں فرانس، جرمنی، برطانیہ اور اسپین شامل ہیں۔

کینیڈا کی وزارت خارجہ کے مطابق 2018 میں کینیڈا نے ترکی کو تقریبا 11.6 کروڑ کینیڈین ڈالر (8 کروڑ يورو) کا اسلحہ فروخت کیا تھا۔

ایک نظر اس پر بھی

دنیا میں کورونا سے 53 لاکھ سے زیادہ لوگ متاثر

عالمی وبا کورونا وائرس (کووڈ۔19) کی وبا بڑھتی جارہی ہے اور پوری دنیا میں اس سے متاثروں کی تعداد بڑھ کر 53 لاکھ سے زیادہ ہوگئی ہے جبکہ اب تک 3.43 لوگ اس بیماری سے موت کی آغوش میں جاچکے ہیں۔

کورونا کی وبا کے درمیان 8/کروڑ بچوں کی ٹیکہ کاری ہوگی متاثر

عالمی وبا کورونا وائرس(کووڈ 19) نے دنیا بھر میں جہاں قہر برپا کیا ہوا ہے وہیں اس کی وجہ سے خسرہ،پولیو اور ڈپ تھیریا جیسی بیماریوں کا سامنا کررہے کم از کم 68؍امیرو غریب ملکوں کے ایک سال سے کم عمر کے تقریباً آٹھ کروڑ بچوں کی ٹیکہ کاری مہم میں رخنہ آنے کا خدشہ ہے -

برازیل میں ایک دن میں 1179 مریض چل بسے

لاطینی امریکہ میں کرونا وائرس سے بدترین متاثر ملک برازیل میں منگل کو 1179 افراد ہلاک ہوئے، جو ملک میں 24 گھنٹوں کے دوران ہلاکتوں کا نیا ریکارڈ ہے۔ ان میں سے 324 اموات صرف ایک صوبے ساؤپولو میں ہوئی ہیں۔