بھٹکل15/مئی(ایس او نیوز) بھٹکل کے رکن اسمبلی سنیل نائک کے خلاف ’ہوٹل گولڈ فینچ ہٹاؤ‘ نامی گروپ میں ایک منفی مہم چلائی جارہی تھی۔ اس کا نوٹس لیتے ہوئے ایم ایل اے کے پرسنل سیکریٹری کری اَپّا نائک نے بھٹکل پولیس اسٹیشن میں شکایت درج کروائی ہے۔

 دیہی پولیس اسٹیشن میں درج کی گئی شکایت میں کہا گیا ہے کہ کووِڈ 19وباء کی وجہ سے عام زندگی افراتفری کاشکارہوگئی ہے اور ایسے حالات میں رکن اسمبلی سنیل نائک کو بدنام کرنے کی ایک گمراہ کن مہم وہاٹس ایپ گروپ پر  چلائی جارہی ہے۔ اس سے طبقاتی تفریق پیدا کرنے کی کوشش کی جارہی ہے۔اور یہ سلسلہ 18/اپریل سے چل پڑا ہے۔اس لئے گروپ کے ایڈمن دنیش نائک چوتنی، رمیش نائک ہڈین بال، مکند نائک شاردولے اور ونود کے خلاف قانونی کارروائی کی جائے۔پولیس نے کیس درج کرکے تحقیقات شروع کردی ہے۔