منگلورو: ’کیفے کافی ڈے‘ کے مالک سدھارتھ کی لاش ندی کنارے برآمد۔خود کشی کے بارے میں شکوک وشبہات

Source: S.O. News Service | By Shahid Mukhtesar | Published on 31st July 2019, 1:16 PM | ساحلی خبریں | ریاستی خبریں |

منگلورو 31/جولائی (ایس او نیوز) سابق وزیر اعلیٰ کرناٹکا اور یو پی اے۔2کے دور میں مرکزی حکومت کے وزیر خارجہ رہے ایس ایم کرشنا کے داماد اور ’کیفے کافی ڈے‘ کے مالک وی جی سدھارتھ کی لاش بدھ کے دن صبح 6.30بجے ہوئیگے بازار علاقے میں ندی اور سمندر کے سنگم کے قریب کنارے پر پڑی ہوئی ملی ہے۔ 

موصولہ رپورٹ کے مطابق الال کے ایم ایل اے یو ٹی قادر نے بتایاہے کہ وینلاک اسپتال میں پوسٹ مارٹم کے بعد لاش چکمگلوروضلع کے چیتن ہلی کافی اسٹیٹ لے جائی جائے گی اور وہاں شام کو آخری رسومات انجام دی جائیں گی۔

  یاد رہے کہ پیر کی رات کو منگلورو کے قریب سفر کے دوران’کیفے کافی ڈے‘ کے مالک سدھارتھ نے ڈرائیور کو پُل پر کار روکنے کے لئے کہا تھا۔ اور پھر فون پر بات چیت کرتے ہوئے تھوڑی دور پیدل نکل جانے کے بعد وہ غائب ہوگئے تھے۔ بعد میں ایک ماہی گیر نے بتایاتھا کہ اس نے پُل پرسے چھلانگ لگاتے ہوئے ایک شخص کو دیکھا تھاجو سدھارتھ جیسا لگ رہا تھا۔ اب دو دن بعد اس پل سے تقریباً500میٹر کی دوری پر جولاش برآمد ہوئی ہے اس کی کلائی پر موجود سمارٹ واچ اور انگلی میں پہنی ہوئی انگوٹھی سے سدھارتھ کے طور پر شناخت کر لی گئی ہے۔

 کروڑپتی تاجر اور مشہور’کیفے کافی ڈے‘چین کے قائم کردہ اور دیگر کچھ نامور کاروباری ادارے چلانے والے وی جی سدھارتھ نے خودکشی سے قبل ایک تحریر چھوڑ ی ہے جس میں انفورسمنٹ ڈپارٹمنٹ کے ڈی جی کی طرف سے ٹیکس کے سلسلے میں ہراساں کیے جانے اور ناقابل ادائیگی قرض کے زبردست بوجھ کے تلے دبے ہونے کا ذکر ہے۔ لیکن انفورسمنٹ افسران نے اس بات کی تردید کی ہے اور خودکشی نوٹ پر موجود دستخط بظاہر جعلی دکھائی دینے کا شبہ ظاہر کیا ہے۔ اس کے علاوہ کروڑوں روپے غیر محسوب دولت اور ٹیکس کی عدم ادائیگی کے سلسلے میں ان سے جو تفتیش ہورہی تھی اس تعلق سے کرناٹکا کے مشہور سیاستداں ڈی کے شیوکمار کے معاملات سے بھی ان کا مشکوک تعلق ہونے کی باتیں بھی ہوا میں گردش کررہی ہیں۔ کرناٹکا کے ایک او رسیاستداں کو بھی ان معاملات سے جوڑ کر دیکھا جارہا ہے۔

  کہا جارہا ہے کہ مارچ 2018سے کافی ڈے انٹرپرائزز کی مشکلات شروع ہوگئی تھیں جب اس گروپ سے متعلقہ ’مائنڈ ٹری‘ نامی کمپنی کے شیئرز فروخت کرنے کا اعلان کیاتھا۔اس کے بعد سے کافی ڈے کے شیئرزکی قیمت مارکیٹ میں تیزی کے ساتھ گرنے لگی تھی۔اور سرمایہ کاروں نے اس کمپنی کے قرضے کی صورتحال اور استحکام پر شکوک وشبہات ظاہر کرنے لگے تھے۔کمپنی کے پاس کروڑوں روپوں کے قرضہ جات کی صحیح صورتحال اور ان کی ادائیگی کے تعلق سے سرمایہ کاروں کے سوالات کے جوابات نہیں تھے۔اس طرح وہ اپنے سرمایہ کاروں کو مطمئن کرنے میں ناکام رہے۔جبکہ کمپنی کا قرض بڑھ کر 6,500کروڑ روپے تک پہنچ گیاتھا۔

ایک نظر اس پر بھی

بھٹکل اور ہوناور میں جماعت اسلامی ہند کے زیراہتمام ’سوہاردا افطار کوٹا‘کاانعقاد: برادران وطن نے کیا مسجد اور نماز کا بھی  نظارہ

جب ہم آپس میں ایک دوسرے سے ملتےہیں ، بس میں سفر کرتےہیں تو دنیا بھر کی باتیں کرتے ہیں، سیاست، معیشت، تجارت، بازار وغیرہ پر بہت ساری باتیں کرتےہیں جب کبھی مذہب کے متعلق بات کریں تو فوراً ٹوک دیتے ہیں کہ نہیں صاحب ہم سب آپس میں اچھے ہیں یہ مذہب کی باتیں کیوں؟ ۔ جب کہ سچائی یہ ہے کہ ...

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔