ضمنی انتخاب: کرناٹک میں ووٹنگ اب 5 دسمبر کو، الیکشن کمیشن نے بدلا اپنا فیصلہ

Source: S.O. News Service | Published on 28th September 2019, 6:00 PM | ریاستی خبریں |

بنگلورو،28؍ستمبر (ایس او نیوز؍ایجنسی) کرناٹک کی سبھی 15 اسمبلی سیٹوں پر ضمنی انتخاب اب 5 دسمبر کو ہوگا اور ووٹوں کی گنتی 9 دسمبر کو ہوگی۔ یہ اعلان انتخابی کمیشن نے کیا ہے۔ حالانکہ جمعرات کو ہی انتخابی کمیشن نے کرناٹک اسمبلی انتخاب کو غیر معینہ مدت کے لیے ملتوی کر دیا تھا۔ کمیشن نے انتخاب ٹالنے کا فیصلہ سپریم کورٹ میں ان اراکین اسمبلی کی عرضی کے مدنظر کیا تھا، جنھیں نااہل قرار دیا گیا ہے۔ ان اراکین اسمبلی نے سپریم کورٹ کا دروازہ کھٹکھٹایا ہے اور اس معاملے میں آئندہ سماعت 22 اکتوبر کو ہونی ہے۔

سپریم کورٹ میں سماعت کی تاریخ آتے ہی انتخابی کمیشن نے پہلے سے مقرر کردہ انتخابی پروگرام کو رَد کرنے کا اعلان کیا تھا، لیکن اب کمیشن نے سبھی 15 سیٹوں کے لیے انتخابی پروگرام کا اعلان کر دیا ہے۔ اس اعلان کے مطابق ووٹنگ 5 دسمبر اور ووٹ شماری 9 دسمبر کو ہوگی۔

واضح رہے کہ 21 ستمبر کو انتخابی کمیشن نے مہاراشٹر اور ہریانہ اسمبلی انتخابات کی تاریخوں کا عالان کیا تھا۔ ان دونوں ریاستوں میں 21 اکتوبر کو ووٹنگ ہونی ہے اور ووٹوں کی گنتی 24 اکتوبر کو ہوگی۔ اس کے علاوہ کمیشن نے 63 دیگر اسمبلی سیٹوں پر انتخاب کا بھی اعلان کیا تھا۔ ان سیٹوں میں سب سے زیادہ 15 سیٹیں کرناٹک کی تھیں۔ اس کے علاوہ ایک لوک سبھا سیٹ کے ضمنی انتخاب کا بھی اعلان کیا گیا تھا۔

کرناٹک میں جن 15 سیٹوں پر ضمنی انتخاب ہونا ہے، وہ ان باغی اراکین اسمبلی کو نااہل قرار دیے جانے کے بعد خالی ہوئی ہیں، جنھوں نے سابقہ کماراسوامی حکومت کی حمایت واپس لیتے ہوئے استعفیٰ دے دیا تھا۔ اسمبلی اسپیکر نے ان سبھی اراکین اسمبلی کو 5 سال کے لیے نااہل قرار دے دیا تھا۔ لیکن اب کمیشن نے سیٹوں کے ضمنی انتخاب کی نئی تاریخ کا اعلان کر دیا ہے۔

ایک نظر اس پر بھی

کرناٹک کے وجیا پور میں شہریت ترمیمی قانون کے خلاف زبردست احتجاجی مظاہرہ۔سیاسی و سماجی لیڈروں نے کیا 2لاکھ سے زائد افرادسے خطاب 

شہریت سے متعلقہ سی اے اے، این آر سی اور این پی آر قوانین کے خلاف”دستور بچاؤ“ عنوان کے تحت ایک زبردست احتجاجی مظاہرہ وجیاپور میں منعقد کیا گیا جس سے خطاب کرتے ہوئے سابق مرکزی وزیر یشونت سنہا نے کہا کہ ایسے قوانین کا نفاذ کرتے ہوئے مرکزی حکومت ملک کے آئین کی دھجیاں اڑانے کا کام ...

کرناٹک کے اقلیتی بجٹ میں 40فیصد تک کٹوتی کے آثار،2019/20کے 2950کروڑ کے مقابلے 2000کروڑ بھی مل گئے تو غنیمت

ایسے مرحلے میں جبکہ وزیر اعلیٰ بی ایس ایڈی یورپا کی طرف سے ریاستی بجٹ کی تیاری کا عمل تیزی سے جاری ہے۔ مختلف سرکاری محکموں کے افسروں سے وزیر اعلیٰ کی میٹنگوں کا سلسلہ بھی تکمیل کی طر ف گامزن ہے۔

انڈر ورلڈ ڈان روی پجاری کو بنگلورو لایا گیا؛ عدالت میں پیش ، 14؍ دنوں تک پولیس کی حراست میں

متعدد مقدمات میں پولیس کو مطلوب انڈرورلڈ ڈان روی پجاری کو پیر کی صبح اولین ساعتوں میں کرناٹکا پولیس کی ٹیم سنیگیل سے بنگلورو لے آئی۔ بنگلورو آمد کے بعد اسے شہر کی عدالت میں پیش کیا گیا جہاں اسے 14؍ دن کی پولیس حراست میں دیا گیا۔

ٹرمپ کے بھارت دورے سے ملک کو کوئی فائدہ نہیں : حزب مخالف لیڈر سدرامیا

امریکہ کے صدر ڈونالڈ ٹرمپ کے بھارت دورے سے ہمارے ملک کو کوئی فائدہ نہیں ہے۔ مودی بھی جب امریکہ کا دورہ کئے تھے تو  کیا ہمارے ملک کو فائدہ ہواتھا ؟ ۔ ودھان سبھا میں حزب مخالف لیڈر سدرامیا نے ٹرمپ کے دورے کو لے کر سوال کیا۔

آئین نے ہی ایک چائے بیچنے والے کو وزیر اعظم کا عہدہ دیا؛ بیدر ضلع کے بسواکلیان میں سیاہ قوانین کے خلاف جلسہ عام ۔ سابق وزیر اعلیٰ سدارامیا و دیگر کا خطاب

بیدر شہر کے تعلقہ اسٹیڈیم میں کل شام جوائنٹ ایکشن کمیٹی بسواکلیان کے زیر اہتمام مرکزی حکومت کی جانب سے نافذ کئے گئے سیاہ قوانین سی اے اے ، این آر سی ، این پی آر کے خلاف جلسہ عام منعقد ہوا۔جس میں بسواکلیان کے علاوہ ضلع بیدر ، کلبرگی ، عمرگہ ، سولہ پور، لاتو، نیلنگہ سے بھی عوام ...