بیندور: کاروار کے کائیگا نیوکلیر پاور پلانٹ میں نوکری دلانے کے بہانے نوجوانوں کے ساتھ 30 لاکھ روپوں کی دھوکہ دہی

Source: S.O. News Service | By I.G. Bhatkali | Published on 21st November 2020, 12:51 PM | ساحلی خبریں |

بیندور 21؍نومبر (ایس او نیوز)ضلع شمالی کینرا کے کاروار میں واقع کائیگا نیوکلیر پاور پلانٹ میں نوکریاں دلانے کے بہانے بیندور کے کئی نوجوانوں سےدھوکہ دہی کے ذریعے رقم اینٹھنے کا معاملہ اس وقت سامنے آیا جب  کائیگا پلانٹ کے داخلی دروازے پر سیکیوریٹی والوں نے ان نوجوانوں کو روک لیا اور ان کے پا س موجود کاغذات کی جانچ پڑتال کی تو وہ جعلی نکلے۔

 ذرائع سے ملی اطلاع کے مطابق بیندور  اور اطراف میں رہنے والے 50تا 60بے روزگار نوجوانون کو ریتیش اور اس کے کچھ دوستوں نے  کائیگا اٹامک پاور پلانٹ میں نوکریاں دلانے کا وعدہ کیا اوران سے 18لاکھ روپے اینٹھ لیے۔یہ رقم ایک ایمپلائمنٹ ایجنٹ نے وصول کی تھی۔ پھر ان نوجوانوں  کو ملازمت ملنے کے کچھ کاغذات دیتے ہوئے ٹیمپو میں بٹھاکر کاروار کے کائیگا پلانٹ میں روانہ کردیا۔ لیکن پلانٹ پر موجود سیکیوریٹی گارڈس نے کاغذات کی جانچ کی تو وہ جعلی نکلے اوراس دھوکہ دہی کا  پردہ فاش ہوگیا۔

 بتایا جاتا ہے کہ  لین دین کا یہ معاملہ کاروار میں موجود ایک شخص کےذریعے انجام پایا تھا۔ملزم ریتیش کو گرفتار کرلیا گیا ہے جوکہ سیرنگیری کا رہنے والا ہے۔ اس نے نوجوانوں سے جمع کی ہوئی رقم کاروار میں موجودشخص کو روانہ کی تھی جس کے بدلے میں ریتیش کو بطور کمیشن 4.5لاکھ روپے موصول ہوئے تھے۔ اس کے علاوہ بھی کئی نوجوان اس جعلسازی کے  جال کا شکار ہوگئے ہیں جس سے اندازہ لگایا گیا ہے کہ کم ازکم 30لاکھ روپوں تک دھوکہ دہی ہوئی ہے۔ شک جتایا جارہا ہے کہ اس اسکینڈل میں بہت سارے افراد شامل ہونگے اور دیگر علاقوں کے نوجوان بھی اس کا شکارہوگئے ہونگے۔بیندور پولیس نے کیس درج کرکے تحقیقات شروع کردی ہے۔

ایک نظر اس پر بھی

کمٹہ ٹول گیٹ پر کنڑا رکھشنا ویدیکے نے کیا زبردست احتجاج۔ مقامی گاڑیوں کو ٹیکس سے چھوٹ اور مقامی افراد کو ملازمت کا مطالبہ

کرناٹکا رکھشنا ویدیکے کی قیادت میں کئی تنظیموں نے مل کر کمٹہ کے قریب نیشنل ہائی وے پر واقع ’ہولے گدّے‘ٹول پلازہ کے روبرو ٹھیکیدار کمپنی آئی آر بی کےخلاف نعرے بازی کرتے ہوئے زبردست احتجاج کیا اورمطالبہ کیا کہ ٹول پلازہ پر نوکریوں میں  مقامی افراد کو ترجیج دینے کے علاوہ مقامی ...

اترکنڑا میں 2219راشن کارڈس کو کیا گیا رد، 5.64لاکھ روپئے بطور جرمانہ وصول: بھٹکل میں بھی 142لوگوں کے کارڈس رد

محکمہ تغذیہ اور شہری سپلائی کی جانب سے نااہل راشن کارڈ کا پتہ لگانےکی کارروائی جاری ہے، فی الحال اب تک ضلع میں 2219راشن کارڈ رد کئے جاچکے ہیں اور متعلقہ افراد سے 564363روپئے بطور جرمانہ وصول کئے جانے کی جانکاری موصول ہوئی ہے۔

یلاپور میں عوامی جگہ کو جوے کا اڈہ بناکر رکھنے کے الزام میں تین گرفتار :27ہزار سے زائد روپیہ ضبط

شہر کے تٹگار کراس کے قریب قومی شاہراہ پر عوامی جگہ کو جوے کا اڈہ بنا کر لوگوں کے درمیان  جوا کھیلنے کے الزام میں یلاپور پولس نے تین لوگوں کو گرفتار کرلیا ہے اور اُن کے پاس سے 27880روپئے ضبط کرلئے ہیں۔

بھٹکل انجمن ڈگری کالج اینڈپی جی سنٹر کے ایم کام فائنل میں 100فی صد نتائج

انجمن ڈگری کالج اینڈ پی جی سنٹر بھٹکل کے شعبہ کامرس نے  ایم کام فائنل سمسٹر میں صدفی صد نتائج حاصل کرتے ہوئے پھر ایک بار تعلیمی قابلیت منوانے میں  انجمن کامیاب ہوگیا ہے۔کرناٹک یونیورسٹی دھارواڑ کی جانب سے ستمبر اکتوبر 2020میں ایم کام فائنل کے امتحانات منعقد ہوئے تھے۔ طلبا کی ...

انکولہ ہوائی اڈہ پروجیکٹ: مقامی عوام کے ساتھ میٹنگ میں پروجیکٹ پرسخت  اعتراض؛ میٹنگ کا کیابائیکاٹ 

انکولہ میں مجوزہ شہری ہوائی اڈے کی تعمیر کے سلسلے میں درپیش تحویل اراضی اور دیگر مسائل پر مقامی عوام کے ساتھ گفتگو کرنے اور ان کا احوال سننے کےلئے  ایڈیشنل ڈپٹی کمشنرایچ کے کرشن مورتی نے بیلے کیری میں  ایک میٹنگ منعقد کی۔

کاروار: اقلیتوں کے لئے اسکالرشپ اسکیموں میں آسانی پیدا کرنے اور رقم کو طلبہ کے کھاتے میں فوری جمع کرانے کا مطالبہ لے کر کیمپس فرنٹ آف انڈیا کی پریس کانفرنس

ریاست میں اقلیتی طلبا کو حکومت کی طرف سے جاری میٹرک، پوسٹ میٹرک، ودیا سری ، ارییوقرضہ جیسے اسکالرشپ منصوبہ جات کے نظام کو درست کرتےہوئے آسان کرنے ، بقیہ عرضیوں کو حل کرنے اور جن طلبا کی اسکالرشپ منظوری کی گئی ہے فوری ان کے کھاتے میں جمع کرنے اور پی ایچ ڈی اور ایم فل اسکالرشپ میں ...