بیندور پولیس نے مویشی چرانے کے الزام میں کیا 6افراد کو گرفتار

Source: S.O. News Service | By I.G. Bhatkali | Published on 13th August 2019, 2:12 PM | ساحلی خبریں |

بیندور13/اگست (ایس او نیوز) ایک ٹویرا کار میں مشتبہ انداز میں چکر لگانے والے 6افراد کو بیندور پولیس نے گرفتار کرلیا، جن پر پولس نے الزام لگایا ہے کہ وہ  سڑکوں کے کنارے سونے والے مویشیوں کو چوری کرنے کی کوشش کررہے تھے۔

بتایا گیا ہے کہ 11اگست کی رات کو بیندور پولیس اسٹیشن کے سب انسپکٹر تیمیش بی این کو مصدقہ اطلاع ملی تھی کہ ایک ٹویرا کار میں کچھ مویشی چور گھومتے نظر آرہے ہیں۔ ایس آئی نے فوری طور پر کارروائی کی اور مشتبہ کار کو شیرور کے قریب دوڈلّی جنکشن کے پاس روک کر اس میں موجود 6ملزمین کو گرفتار کرلیا جن کے نام محمد مبین (29سال)، یونس موگڑی (29سال)، محمد عرفات (25سال)، مولانا قاسم (29سال)، شہباز محمد حنیف(22سال) اور شیخ محمد الطاف (30سال) بتائے گئے ہیں۔

 پولیس کا کہنا ہے کہ گاڑی کی تلاشی لینے پر اس کے اندر رسّی، ڈنڈے، جانور کاٹنے اورٹکڑے کرنے کے ہتھیار وغیرہ موجود تھے۔ٹویرا کار سمیت یہ چیزیں بھی ضبط کرلی گئی ہیں۔ پولیس کا یہ بھی کہنا ہے کہ گرفتار ملزمین نے تفتیش کے دوران اس بات کا اقرار کیا ہے کہ وہ لوگ سڑک پر سونے والے مویشیوں کو چرانے کے لئے کار میں گھوم رہے تھے۔بیندور پولیس اسٹیشن میں اس سلسلے میں کیس درج کرلیا گیا ہے اور مزید تحقیقات جاری ہیں۔

ایک نظر اس پر بھی

کاروار میں رابطہ ملت کی جانب سے برادران وطن میں سیرت ﷺکتابچے کی تقسیم : محبت و یگانگت کا پیغام

قرآن ، بائیبل اور بھگوت گیتا سمیت کوئی بھی مذہبی کتاب نفرت کی تعلیم نہیں دیتی ، ہر ایک مذہب انسانوں سے پیار و محبت کی تعلیم دیتی ہیں۔ کاروار کےسماجی کارکن ،جن شکتی ویدیکے کے صدر مادھونایک نے ان خیالات کا اظہار کیا۔

بھٹکل شرالی کی دختر انجمن ڈاکٹر انیسہ شیخ کو ملی ڈینٹل شعبہ میں اعلیٰ ترین کامیابی : جملہ مضامین کے علاوہ مینگلور کالج کی بہترین طالبہ کے ایوارڈ سے بھی نوازا گیا

دختر ِ انجمن  کاگولڈ میڈل اور رابطہ گولڈ میڈل ایوارڈ سے سرفراز  بھٹکل  کی  ڈاکٹر انیسہ شیخ طبی میدان میں بھی بہترین کارکردگی کا مظاہرہ پیش کرتے ہوئے اے جے اسپتال مینگلورو میں بھی  امتیازی نمبرات سے کامیاب  ہونے کا سلسلہ جاری رکھا ہے اور کالج کی بہترین طالبہ کا ایوارڈ حاصل ...

بھٹکل فاریسٹ افسران کے خلاف کارروائی کا مطالبہ لےکر اتی کرم داروں کی طرف سے میمورنڈم

بھٹکل زونل فاریسٹ افسران اور ان کے ماتحت عملہ کی طرف  سے  فاریسٹ اتی کرم داروں کو لگاتار ہراساں کیاجارہاہے، متعلقہ افسران کے خلاف قانونی کارروائی کامطالبہ لےکر ضلع ارینیا حقو ہوراٹ ویدیکے کی جانب سے پیر کو سرسی کے چیف فاریسٹ آفیسر کو میمورنڈم دیاگیا ۔