بیندور،4؍ستمبر (ایس او نیوز) بیندور تعلقہ کے اوپندا میں واقع ایک مشہور لاڈج پر رات 3 بجے چھاپہ مارتے ہوئےگانجہ کے کش لگانے میں مصروف 5افراد کو گرفتار کرلیا اور ان کے قبضے سے40گرام اعلیٰ کوالٹی کا گانجہ ،6موبائل فون، 3موٹربائکس ،گانجہ کشی کے لئے استعمال ہونے والے پیپر کے ٹکڑے اور دیگر چیزیں ضبط کرلیں جن کی مالیت کا اندازہ 1,71,500روپے لگایا گیا ہے۔
پولیس کا کہنا ہے کہ اس نے یہ چھاپہ مصدقہ اطلاع کی بنیاد پر مارا تھا۔ جس کے دوران اپنے کمرے میں گانجہ کا دم لگانے میں مصروف ایک کیرالہ کے باشندے سمیت پانچ ملزمین کو گرفتار کیا گیا۔ ان کی شناخت یوگیش گانیگا(برہماور)، یاڈونارائن (تھیرواننتاپورم)، گروراج پجاری، روی (بیجور) اور سنیل پجاری اوپندا کے طور پر کی گئی ہے۔پولیس کا کہنا ہے کہ ملزمین نے تفتیش کے دوران بتایا کہ بھٹکل کے رہنے والا شبیر (جو ایک عادی گانجہ فروش ہے) ان کو گانجہ فراہم کیا جاتا ہے۔ بیندور پولیس نے اس ضمن میں کیس درج کرلیا ہے۔مزید تحقیقات جاری ہے۔