شارجہ، 2؍نومبر (ایس او نیوز؍ایجنسی) انگلینڈ کی ٹی-20 عالمی کپ کے سیمی فائنل میں پہنچنے والی پہلی ٹیم بن گئی ہے۔ ٹیم نے پیر کو ٹورنامنٹ میں مسلسل چوتھی جیت درج کی۔ ٹیم نے سری لنکا کو 26 رن سے شکست دی۔ انگلینڈ نے پہلے کھیلتے ہوئے 4 وکٹ پر 163 رن بنائے۔ جوس بٹلر نے ناٹ آوٹ 101 رن بنائے۔ یہ ان کا ٹی-20 انٹرنیشنل کیریئر کی پہلی سنچری ہے۔
جواب میں سری لنکا کی ٹیم 10 وکٹ کے نقصان پر 137 رن ہی بناسکی۔ اس سے پہلے انگلینڈ نے آسٹریلیا، بنگلہ دیش اور ویسٹ انڈیز کو بھی شکست دی تھی۔ تین شکست کے ساتھ عالمی چمپئن سری لنکائی ٹیم آخری-4 کی ریس سے باہر ہوگئی ہے۔ سری لنکا نے 2014 میں ٹی-20 عالمی کپ کا خطاب جیتا تھا۔ وہیں انگلینڈ کی ٹیم 2010 میں خطاب جیت چکی ہے۔
ہدف کا تعاقب کرنے اتری سری لنکا کی شروعات اچھی نہیں رہی۔ ٹیم نے 34 رن پر 3 وکٹ گنوا دیئے تھے۔ چرت اسلنکا نے 24 رن بنائے۔ بھانوکا راج پکشے 26 اور اوشکا فرنانڈو 13 رن بناکر آوٹ ہوئے۔ اس طرح سے ٹیم نے 76 رن پر 5 وکٹ گنوا دیئے تھے۔ ٹیم کو آخری 5 اوور میں 51 رن بنانے تھے۔ لیگ اسپنر عادل رشید نے ٹیم کو دو بڑی کامیابی دلائی۔
اس سے قبل ٹاس ہارکر پہلے کھیلنے اتری انگلینڈ کی شروعات اچھی نہیں رہی۔ ٹیم نے 35 رن پر 3 وکٹ گنوا دیئے تھے۔ اس کے بعد جوس بٹلر نے 67 گیندوں پر ناٹ آوٹ 101 رن اور کپتان ایان مورگن نے 36 گیندوں میں 40 رنوں کی اننگ کھیلی۔ دونوں نے چوتھے وکٹ کے لئے 78 گیندوں میں 112 رن جوڑے۔ جوس بٹلر نے 67 گیندوں کا سامنا کیا۔ 6 چوکے اور 6 چھکے لگائے۔ یعنی 60 رن انہوں نے باونڈری سے بنائے۔
انگلینڈ کا اسکور 15 اوور کے بعد تین وکٹ پر 105 رن تھا۔ ٹیم نے آخری پانچ اوور میں 58 رن جوڑے۔ ایان مورگن نے ایک چوکا اور تین چھکا لگایا۔ سری لنکا کی طرف سے وانندو ہسرنگا نے 21 رن دے کر 3 وکٹ حاصل کئے۔ اس سال ان کے 34 وکٹ ہوگئے ہیں۔ ایک کلینڈر ایئر میں وہ ٹی-20 انٹرنیشنل میں سب سے زیادہ وکٹ لینے والے گیند باز بھی بن گئے ہیں۔