گلبرگہ، بیدر اور یادگیر میں کاروبار متاثر۔ منادر و مذہبی مقامات معتقدین کے لئے بند
گلبرگہ،16؍جنوری (ایس او نیوز) ہفتہ کے دن سے گلبرگہ، بیدر اور یادگیر اضلاع میں ہفتہ واری کرونا کرفیو کے سبب تمام کاروبار بند رہے اور مذہبی مقامات کو بھی زائیرین کے لئے بند کردیا گیا تھا۔ سڑکوں پر آمد و رفت کم رہی اور موٹر گاڑیوں کا آنا جانا بھی بہت کم رہا۔ ضروری خدمات کی دوکانیں جیسے میڈیکل اسٹورس، ہاسپٹلس، لیبوریٹریز، ملک پارلرلس و غیرہ کھلے تھے۔ شہر وں کے تمام مالس بند تھے۔ درگاہ حضرت خواجہ بندہ نوازؒ اور شری شرن بسویشور مندر گلبرگہ کو بھی بند رکھا گیا۔ بیدر میں کرونا قوانین کی خلاف ورزی کرنے والے افراد کے خلاف پولیس نے کاروائی کی۔ یادگیر میں بھی پولیس نے عوام کو غیر ضروری طور پر گھومنے اور گھروں سے باہر نکلنے سے منع کیاتھا۔