بُلی بائی ایپ کی ماسٹر مائنڈ خاتون کو بھی ممبئی پولیس نے اتراکھنڈ سے گرفتار کیا

Source: S.O. News Service | Published on 4th January 2022, 8:48 PM | ریاستی خبریں | ملکی خبریں |

ممبئی،4؍جنوری (ایس او نیوز؍ایجنسی) سوشل میڈیا پر زوردار طریقے سے اپنی بات رکھنے والی مشہور مسلم خواتین کی تصویریں اَپ لوڈ کر ان کی نیلامی کرنے والی ایپ بُلی بائی کی اہم ملزمہ اتراکھنڈ کی ایک خاتون ہے۔ اسے ممبئی پولیس نے گرفتار کر لیا ہے۔ ممبئی پولیس نے ایک دن قبل ہی اس شاطر خاتون کے نوجوان ساتھی کو بنگلورو سے گرفتار کیا تھا جو انجینئرنگ کا 21 سالہ اسٹوڈنٹ ہے۔

بُلی بائی ایپ کا لنک اتراکھنڈ سے جڑنے کے بعد آج اتراکھنڈ سے شاطر خاتون کو گرفتار کیا گیا۔ ممبئی پولیس خاتون کو اپنے ساتھ لے گئی ہے۔ ابھی خاتون کی شناخت ظاہر نہیں کی گئی ہے۔ اتراکھنڈ پولیس کے ترجمان سینتھل ابودئی کرشن راج نے بتایا کہ مذکورہ خاتون کو اودھم سنگھ نگر سے گرفتار کیا گیا ہے۔ زیادہ جانکاری کے لیے ممبئی پولیس سے رابطہ کیا جا رہا ہے۔

بتایا جا رہا ہے کہ اتراکھنڈ کی رہنے والی اہم ملزمہ خاتون اور بنگلورو سے گرفتار طالب علم ایک دوسرے کو پہلے سے جاتے ہیں۔ دونوں فیس بک اور انسٹاگرام جیسے سوشل میڈیا پلیٹ فارم پر دوست ہیں۔ اس لیے آسانی سے دونوں کے جڑے ہونے کی تصدیق بھی ہو گئی۔ شرمناک واقعہ کی اہم ملزمہ خااتون ایپ سے جڑے تین اکاؤنٹس چلا رہی تھی، جب کہ اس کا دوست خالصا سپریمسٹ کے نام سے اکاؤنٹ چلا رہا تھا۔ دونوں نے ایپ پر مسلم خواتین کے خلاف نہ صرف ہتک آمیز باتیں لکھیں، بلکہ ان کی بولی لگانے جیسا گھناؤنا کام بھی کیا۔

غور طلب ہے کہ سوشل میڈیا پر بُلی بائی نامی ایپ کچھ دنوں سے سرخیوں میں ہے۔ اس پر ان مسلم خواتین کو بے عزت کیا جا رہا ہے جو سوشل میڈیا پر سرگرم ہیں اور حکومت و بی جے پی کے خلاف بے باکی سے اپنی رائے رکھتی ہیں۔ بُلی بائی ایپ کھولنے پر کسی مشہور مسلم خاتون کی تصویر سامنے آتی ہے، جسے ’بُلی ڈیل آف دی ڈے‘ کے نام سے شیئر کیا جاتا ہے۔

بُلی بائی ایپ پر ان مسم خواتین کو نشانہ بنایا گیا ہے جو ٹوئٹر اور فیس بک پر بے باکی سے اپنی رائے رکھتی ہیں۔ متاثرین میں میڈیا سمیت مختلف شعبوں میں کام کرنے والی خواتین شامل ہیں۔ اس ایپ کی کرتوت پر کئی لوگوں نے سوشل میڈیا پر ناراضگی ظاہر کی ہے۔ اس معاملے میں ایک خاتون صحافی کی شکایت پر دہلی پولیس نے کیس بھی درج کیا تھا، لیکن آج تک ملزمین کی گرفتاری نہیں ہوئی ہے۔

ایک نظر اس پر بھی

ریاستی سرکاری نصاب کی غلطیوں کی تصحیح کےلئے متبادل نصابی کتب تیار کریں گے اور بچوں کو توہم پرستی اور اندھی تقلید سے بچائیں گے : دیونور مہادیو

آر ایس ایس کی سرکار اسکولی بچوں کو جو کچھ سکھانا چاہتی ہے وہ سکھائے ۔ لیکن ہم متبادل کے طورپر دستور کی تمہید، منشاء سمیت سب کچھ انہیں سکھانے کا کام کریں گے۔ ریاست کے مشہور و معروف کنڑا ادیب دیونورمہادیو نے ان خیالات کااظہار کیا۔

ملک میں ایک نہ ایک دن ’یکساں سول کوڈ‘ ضرور نافذ ہوگا، کرناٹک کے وزیرکوٹا سرینواس پجاری کا خیال

 کرناٹک کے سماجی بہبود کے وزیر کوٹا سرینواس پجاری نے بدھ کے روز کہا کہ متنازعہ یونیفارم (یکساں) سول کوڈ ایک نہ ایک دن ملک میں نافذ ہوگا۔ انہوں نے کہا، ’’بی جے پی یکساں سول کوڈ لانے کے لیے پرعزم ہے اور اسے نافذ کرنے جا رہی ہے۔ یہ بی جے پی ہی ہی ہے جس نے جموں و کشمیر میں دفعہ 370 کو ...

منگلورو : ملالی مسجد کے مقام پر دیوی موجود ہے - کیرالہ کے نجومی کا دعویٰ - ضلع انتظامیہ نے نافذ کیے امتناعی احکامات

ملالی میں واقع السید عبداللہ جامع مسجد میں تجدید نو کے دوران مندر کے باقیات پائے جانے کا دعویٰ کرتے ہوئے ہندو شدت پسند تنظیموں نے جو تنازعہ کھڑا کیا ہے اس میں اب مزید پیچیدگی پیدا ہوگئی ہے ، کیونکہ ہندو مذہبی عقیدہ کے مطابق کیرالہ سے بلائے گئے علم زائچہ کے ماہر اور نجومی ...

شیموگہ ضلع میں بارش کی وجہ سے 40 کروڑ کا نقصا ن

پچھلے ہفتے ہوئی مسلسل بارش سے ضلع میں تقریباً 40کروڑ روپئے کا نقصان ہونے کا اندازہ لگایاگیاہے۔وزیر اعلیٰ کے ساتھ اس سلسلے میں تبادلہئ خیال کرنے کے بعد ضروری معاوضہ دلانے کیلئے اقدامات کئے جائیں گے۔یہ بات ضلع نگران کار وزیر نارائن گوڈانے کہی۔

سری نگر: لداخ ہائی وے پر دلخراش سڑک حادثہ، 7 افراد ہلاک، ایک زخمی

مرکز کے زیر انتظام علاقے جموں و کشمیر میں بدھ کے روز سری نگر-لداخ ہائی وے کے زوجیلا پاس پر ایک گاڑی سڑک سے پھسل کر گہری کھائی میں گر گئی، اس حادثہ میں 7 افراد ہلاک اور ایک زخمی ہو گیا۔ جموں و کشمیر کے ڈیزاسٹر مینجمنٹ ڈپارٹمنٹ کے ڈائریکٹر عامر علی نے اس کی اطلاع دی۔

عبادت گاہ ایکٹ سپریم کورٹ میں چیلنج،کئی دفعات کو غیر آئینی بتایا

عبادت گاہ ایکٹ1991(عبادت کے مقامات خصوصی پروویژن ایکٹ1991)کو سپریم کورٹ میں ایک رٹ پٹیشن کے ذریعے چیلنج کیا گیا ہے- بدھ کو دائر کی گئی اس درخواست میں کہا گیا کہ یہ ایکٹ سکیولرزم کے اصولوں کی کھلم کھلا خلاف ورزی کرتا ہے، جب کہ ملک میں قانون کی حکمرانی ہے-سوامی جتیندرند سرسوتی نے اس ...

گیان واپی مسجد: سول کورٹ نے نئی عرضی پر کی سماعت، معاملہ فاسٹ ٹریک کورٹ منتقل، سماعت 30 مئی کو

اتر پردیش کے وارانسی میں گیان واپی معاملے کو لے کر ایک نئی عرضی پر اہم سماعت بدھ کے روز ہوئی۔ سول کورٹ سینئر ڈویژن کے جج روی دیواکر نے معاملے کی سماعت کرتے ہوئے اسے فاسٹ ٹریک کورٹ میں منتقل کر دیا ہے۔ اب اس معاملے کی آئندہ سماعت 30 مئی کو فاسٹ ٹریک کورٹ میں ہوگی۔ موصولہ اطلاعات ...

راجستھان میں گھریلو تشدد کا عجیب و غریب معاملہ، پرنسپل شوہر کو بیوی نے کیا ٹارچر!

راجستھان کے الور ضلع سے ایک عجیب و غریب گھریلو تشدد کا معاملہ سامنے آیا ہے۔ یہاں اسکول کے پرنسپل نے اپنی بیوی کے جسمانی اور ذہنی استحصال سے تحفظ کا مطالبہ کرتے ہوئے عدالت کا دروازہ کھٹکھٹایا ہے۔