بی ایس پی کے رکن پارلیمنٹ اتل رائے عصمت دری معاملے میں بری، خاتون نے کر لی تھی خود سوزی

Source: S.O. News Service | Published on 6th August 2022, 7:43 PM | ملکی خبریں |

وارانسی،6؍اگست (ایس او نیوز؍ایجنسی) مؤ ضلع کی گھوسی سیٹ سے بی ایس پی کے رکن پارلیمنٹ اتُل رائے کو وارانسی کی ایک عدالت نے عصمت دری کے معاملہ میں بری کر دیا ہے۔ مبینہ عصمت دری متاثرہ نے ایک سال قبل سپریم کورٹ کے سامنے خودسوزی کی کوشش کی تھی۔

بلیا کی ایک خاتون جو کہ کالج کی طالبہ تھی، نے 2019 میں وارانسی کے لنکا پولیس اسٹیشن میں نینی جیل میں قید رکن پارلیمنٹ اتل رائے کے خلاف عصمت دری کا مقدمہ درج کرایا تھا۔ بعد ازاں یہ الزام لگانے والی خاتون اور اس کے ایک دوست نے سپریم کورٹ کے سامنے خودسوزی کر لی تھی، جس کے بعد دنوں کی موت ہو گئی تھی۔

اسپیشل جج سیارام چورسیا نے ہفتہ کو صبح تقریباً 10.30 بجے ویڈیو کانفرنسنگ کے ذریعے یہ فیصلہ سنایا۔ تاہم گھوسی رکن پارلیمنٹ اتل رائے ابھی جیل سے رہا نہیں ہو سکیں گے کیونکہ ان کے خلاف لکھنؤ میں بھی مقدمہ زیر سماعت ہے۔ خاتون کے وکیل راجیش یادو نے کہا کہ فیصلہ ابھی زبانی طور پر ہی سنایا گیا ہے اور آرڈر کی کاپی میں ترمیم کی جا رہی ہے۔ کاپی موصول ہونے کے بعد ہی صاف ہو پائے گا کہ اتل رائے کو کس بنیاد پر رہا کیا گیا ہے۔

اتل رائے نے جون 2019 میں لوک سبھا کا الیکشن جیتنے کے بعد وارانسی کورٹ میں خودسپردگی کی تھی۔ اس وقت سے وہ جیل میں قید ہیں اور اس وقت وہ الہ آباد کی نینی سنٹرل جیل میں ہیں۔

عصمت دری کا الزام عائد کرنے والی طالبہ اور اس کے دوست نے اگست 2021 میں سپریم کورٹ کے سامنے خودسوزی کر لی تھی، جنہیں بری طرح سے جھلسی ہوئی حالت میں اسپتال میں داخل کرایا گیا تھا، جہاں پہلے طالبہ کے دوست اور اس کے بعد اس نے دم توڑ دیا تھا۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...