منگلورو میں بھائی نے ہی چاقوگھونپ کر بھائی کی جان لے لی۔ ملزم گرفتار
منگلورو18/اکتوبر (ایس ا و نیوز) بینگرے میں پانمبور پولیس اسٹیشن کے حدود میں جمعرات کی شب دو بھائیوں کے درمیان معمولی بات پر جھگڑا ایک بھائی کے قتل پر ختم ہوا، جس کے بعد قتل کے الزام میں پولیس نے دوسرے بھائی کو گرفتار کر لیا ہے۔
بتایا جاتا ہے کہ کیریلیا مسجد کے قریب رہائش پزیر مصطفی کا اس کے بھائی رائیجو کے ساتھ کسی بات پر جھگڑا ہوگیا۔ طیش میں آکر رائیجو نے مصطفی کو چاقو گھونپ دیا جس کی وجہ سے اس کی موت واقع ہوگئی۔ دونوں بھائی مچھلی کارروبار میں مزدوری کیا کرتے تھے۔اس قاتلانہ حملے کی اطلاع ملنے پر پولیس نے موقع پر پہنچ کر معائنہ کیا اور قتل کے الزام میں رائیجو کو گرفتار کرلیا۔ مزید تحقیقات جاری ہے۔