بیلگام:7؍جون (ایس اؤ نیوز) کھیت میں زرعی آب پاشی کے لئے کھودے گئے زرعی تالاب میں تیراکی سیکھنے گئی بہن کو ڈوبتے دیکھ کر بچانے گیا بھائی دونوں بھی پانی میں ڈوب کر ہلاک ہونے کا واقعہ اتھنی تعلقہ کے گونڈیواڑی دیہات میں پیش آیا ہے۔
کسان اپنے کھیتوں میں پانی کی ذخیرہ اندوزی کے لئے بڑے بڑے گڈھے کھو د کر پانی جمع کرتے ہیں جو تالاب کی شکل میں ہوتے ہیں۔ ایسے ہی ایک کھیت کے تالاب میں تیراکی سیکھنے کے لئے بھائی اور بہن نے چھلانگ لگائی تھی، مگر پہلے بہن ڈوبنے لگی تو بھائی نے اُسے بچانے کی کوشش کی ، مگر وہ دونوں وہیں ڈوب ہوکر ہلاک ہوگئے ۔ مہلوکین کی شناخت 13سالہ سنمتی نیامنا کوپوواڑ اور 15سالہ پاشورناتھ نیامنا کوپوواڑ کی حیثیت سے کی گئی ہے۔
معاملے کو لے کر پولس تھانے میں کیس درج کرلینے کے بعد پولس جانچ میں جٹی ہوئی ہے۔