برہماور:22؍جون(ایس اؤ نیوز)مندارتی کےکلراشی نامی مقام پر پیش آئے بائک حادثے میں مندارتی کے قریبی مقام نڈور کے مکین ہریش پجاری نامی شخص ہلاک ہونے کا واقعہ پیش آیا ہے۔
ہریش اپنی بیوی کے گاؤں چانتاری سے بائک پر اپنے گاؤں نڈور کی طرف جارہا تھا۔ کلراشی کے قریب ایک انجان سواری نے اس کی بائک کو ٹکر ماردی اور موقع پر سے فرار ہوگئی۔ حادثے میں ہریش شدید زخمی ہونے پر انہیں برہماور اسپتال لےجایاجارہا تھامگر اُس نے راستے میں ہی نے دم توڑ دیا۔
اطلا ع پاتےہی تلاش میں نکلی برہماور کی پولس نے ٹکر دے کر فرار ہونے والی سواری کا پتہ چلاتے ہوئے اپنی تحویل میں لیا ہے۔ بتایا گیا ہےکہ ہریش کی اسی سال فروری میں شادی ہوئی تھی۔