کورونا کے پیش نظر برطانوی وزیر اعظم بورس جانسن کا دورہ ہند منسوخ

Source: S.O. News Service | Published on 20th April 2021, 1:53 PM | ملکی خبریں | عالمی خبریں |

نئی دہلی،20؍اپریل (ایس او نیوز؍ایجنسی)  برطانوی وزیر اعظم بورس جانسن کا آئندہ ہفتے ہونے والا دورہ ہند منسوخ کردیا گیا ہے۔ وزارت خارجہ نے پیر کے روز یہاں بتایا کہ برطانوی وزیر اعظم کا مجوزہ دورہ منسوخ کرنے کا فیصلہ باہمی رضامندی سے کیا گیا ہے۔ یہ فیصلہ ہندوستان میں کورونا وائرس کی دوسری اور خطرناک لہر کے پیش نظر کیا گيا ہے، جس نے پورے ملک کو اپنی لپیٹ میں لے لیا ہے۔ ملک میں پچھلے کچھ دنوں سے روزانہ دو لاکھ سے زیادہ متاثرین رپورٹ ہورہے ہیں، جس کی وجہ سے حکام اختتام ہفتہ کی تالا بندی اور مختلف سرگرمیوں پر پابندی عائد کرنے پر مجبور ہوگئے ہیں۔تاہم، وزارت خارجہ نے آنے والے دنوں میں دونوں ملکوں کے درمیان ایک ورچوئل میٹنگ منعقد ہونے کی بات کہی ہے۔

وزارت خارجہ نے ایک بیان میں کہا کہ ’’ہندوستان اور برطانیہ کے مابین تعلقات میں تبدیلی لانے کے منصوبوں کا آغاز کرنے کے لئے دونوں فریق آنے والے دنوں میں ایک ورچوئل میٹنگ منعقد کریں گے۔‘‘ قابل ذکر ہے کہ جانسن نے گزشتہ ہفتے کورونا کی صورتحال کے پیش نظر اپنے دورہ ہند کو مختصر کرنے کا اعلان کیا تھا، جبکہ اس سے قبل 26 جنوری کو بھی انہوں نے اپنا دورہ منسوخ کیا تھا جب انہیں 26 جنوری کی یوم جمہوریہ تقریبات میں مہمان خصوصی کے طور پر مدعو کیا گیا تھا۔

ایک نظر اس پر بھی

دہلی پولیس کا شری نیواس بی وی سے پوچھ گچھ کرنا سیاسی انتقام کے سوا کچھ نہیں ہے۔ ایس ڈی پی آئی

سوشیل ڈیموکریٹک پارٹی آف انڈیا (ایس ڈی پی آئی) کے قومی جنرل سکریٹری کے ایچ عبدالمجید نے اپنے جاری کردہ اخباری بیان میں دہلی میں کوویڈ وبائی مرض سے متعلق امدادی سرگرمیوں میں حصہ لینے والے انڈین یوتھ کانگریس کے صدر شری نیواس بی وی سے دہلی پولیس کی جانب سے پوچھ گچھ کا سخت نوٹس  ...

کورونا کا خاتمہ جولائی تک نہیں ہوگا: ایکسپرٹ

جس طرح کورونا کے نئے معاملوں کی تعداد میں کمی درج ہو رہی ہے اس سے یہ امید بنی ہے کہ ہندوستان میں کورونا کی دوسری لہر کا خاتمہ جلد ہو جائے گا لیکن وبائی بیماریوں کے ماہر شاہد جمیل کا کہنا ہے کہ بھلے ہی ابھی کچھ ریاستوں میں کورونا کے کیس کم ہوتے نظر آ رہے ہوں لیکن دوسری لہر کا ...

سادگی کے ساتھ عید منائیں اور چھوٹی جماعت کے ساتھ عید کی نماز ادا کریں ، سرکردہ مسلم رہنماوں کی مسلمانوں سے اپیل

آل انڈیا مسلم پرسنل لاء بورڈ کے صدر مولانا رابع حسنی ندوی ۔ جمعیت علماءہند کے صدر مولانا ارشد مدنی ۔ جماعت اسلامی ہند کے امیر سید سعادت اللہ حسینی سمیت دیگر سرکردہ علماء اور مسلم قائدین مسلمانوں نے اپیل کی ہے کہ وہ کرونا کے بڑھتے خطرات کے پیش نظر احتیاط کریں اور مختصر جماعت ...

لاک ڈاؤن پر ہو سختی سے عمل: اشوک گہلوت

راجستھان میں عالمی وبا کورونا کی دوسری لہر کی چین توڑنے کے لئے آج صبح 5بجے سے لے کر 24 مئی تک سخت لاک ڈاؤن نافذ ہوگیا ہے۔ اس مدت کے دوران، ہنگامی اور ضروری خدمات، میڈیکل، دودھ اور دیگر ضروری خدمات کے لئے رعایت رہے گی۔

افغانستان کے کابل کی مسجد میں دھماکہ، امام سمیت 12 نمازی جاں بحق

افغانستان کے دارالحکومت کابل کی مسجد میں دھماکے کے نتیجے میں امام سمیت 12 نمازی جاں بحق ہوگئے، دھماکہ   جمعہ  کی نماز کی ادائیگی کے دوران کیا گیا۔افغان پولیس  ترجمان کے مطابق کابل کے ضلع شکر درہ میں مسجد کے اندر دھماکہ کیا گیا جس میں مسجد کے امام مفتی نعمان  سمیت ۱۲ نمازی جاں ...

فلسطین میں اسرائیلی فضائی حملے جاری؛ شہید ہونے والوں کی تعداد 119 کو پہنچ گئی؛ بمباری کے باوجود قبلہ اول میں فرزندان توحید نے ادا کی عید الفطر کی نماز

اسرائیل کے غزہ کی پٹی پر جاری فضائی حملوں میں گذشتہ چار روز میں شہید ہونے والے فلسطینیوں کی تعداد بڑھ کر113 ہوگئی ہے جن  میں 31 بچے بھی شامل ہیں۔ میڈیا رپورٹوں کے مطابق ایک طرف بمباری جاری تھی اور دوسری طرف غزہ پر بمباری کے دوران  قبلہ اول میں ایک لاکھ سے زائد فرزاندن توحید  عید ...