منگلورو میں ایک عجیب سانحہ۔بوتھ کے آخری ووٹر نے ووٹ دینے کے بعد لی آخری سانس
منگلورو20؍اپریل (ایس او نیوز) پاجیرو گاؤں کے پانیلا میں ایک شخص نے پولنگ بوتھ میں اپنا ووٹ ڈالنے کے بعد گھر لوٹتے ہی دم توڑ دیا۔پانیلا کے رہنے والے والٹر ڈیسوزا(۴۰سال) گردے کی بیماری میں مبتلا تھاجس کے لئے وہ بہت عرصے سے زیرعلاج تھا۔
بتایاجاتا ہے کہ اس نے 18تاریخ کوشام 6بجے کے قریب پانیلا کے پولنگ بوتھ میں جاکر اپنا ووٹ درج کروایا۔اور اس بوتھ کا وہ آخری ووٹر تھا۔اس کے بعد جیسے ہی وہ گھر پہنچا تو اس پر قلب کا دور ہ پڑا ۔فوری طور پر اسے اسپتال منتقل کیا گیا مگر اس کی جان بچائی نہیں جاسکی۔معلوم ہوا ہے کہ والٹرڈیسوزا غیر شادی شدہ تھا۔پسماندگان میں اس کی والدہ اور بہنیں ہیں۔