اڈپی 2مارچ (ایس او نیوز) آج کل سوشیل میڈیا پر ایک ویڈیو وائرل ہوگیا ہے جس میں چہرے پر نقاب پہنے شرپسند نے ملپے ساحل پر بم دھماکہ کرنے کی دھمکی ہے اور مذاق اڑانے کے انداز میں قہقہے لگائے ہیں۔

ویڈیو کے اندر نقاب پوش کو یہ کہتے ہوئے سنا جاسکتا ہے کہ ’’ہمارا اگلا نشانہ ملپے ہے۔ ہم ملپے کے ساحل پر بم دھماکہ کردیں گے۔‘‘حالانکہ یہ شرپسندوں کا ایک مذاق دکھائی دے رہا ہے پھر بھی پولیس نے اسے بڑی سنجیدگی سے لیا ہے اور اس تعلق سے تحقیقات شروع کردی گئی ہیں۔ کیونکہ کل 3مارچ کو مرکزی وزیر سمرتی ایرانی ملپے کا دورہ کرنے والی ہیں۔پولیس نے یقین دہانی کی ہے کہ و ہ اس ویڈیوکلپ کو بنانے اور وائرل کرنے والوں کی جلد ہی نشاندہی کرلے گی اور ان کے خلاف سخت قانونی کارروائی کی جائے گی۔