بوئنگ 737 طیاروں کے سافٹ ویئر کو مزید بہتر بنانے کی منظوری

Source: S.O. News Service | By Shahid Mukhtesar | Published on 24th March 2019, 11:47 AM | عالمی خبریں |

واشنگٹن،24؍مارچ(ایس او نیوز؍یو این آئی )  امریکی فیڈرل ایوی ایشن ایڈمنسٹریشن (ایف اے اے) نے بوئنگ 737 میکس طیاروں کے سافٹ ویئر کو بہتر بنانے اور پائلٹوں کی تربیت میں تبدیلی کی منظوری دے دی ہے۔ یہ رپورٹ مقامی میڈیا نے دی ہے۔ دو بڑے حادثوں کے بعد کئی ممالک نے ان طیاروں کی پرواز پر روک لگا دی ہے۔

’دی وال اسٹریٹ جرنل‘ کی رپورٹ میں سرکاری دستاویزات اور حالات سے واقف لوگوں کے حوالے سے کہا گیا کہ پرواز-کنٹرول نظام کے ساتھ کمیوں کو حل کرنے کے مقصد سے تبدیلی کی گئی ہے۔

سمجھا جاتا ہے کہ گزشتہ سال اکتوبر میں ایک انڈونیشیائی جیٹ طیارہ خود کار طریقے ’اسٹال پریونشن سسٹم‘ کی وجہ سے گر کر تباہ ہو گیا تھا، پائلٹوں کے لئے اسے زیادہ کنٹرول کے قابل بنانے کے لئے نظر ثانی کی جائے گی اور پائلٹوں کو تربیت بھی دی جائے گی۔

انڈونیشیا طیارے کے حادثے کے پانچ ماہ سے کم عرصہ میں ایک ایتھوپیا ایئر لائنز کریش ہوا جس میں 157 افراد ہلاک ہو گئے، ان دونوں حادثات کے پیش نظر تقریباً 20 ممالک نے بوئنگ 737 میکس 8 جیٹ کے لئے اپنی فضائی سروس بند کردی ہے۔

یاد رہے اس طیارہ حادثہ میں 4 ہندوستانی شہری بھی ہلاک ہوگئے تھے، جس کے بعد دنیا کے کئی ممالک میں بوئنگ 737 جہازوں پر پابندی عائد کیے جانے کے بعد ہندوستان نے بھی اس جہاز پر پابندی عائد کر دی تھی۔ ایتھوپیا حادثہ کے بعد ڈی جی سی اے (ڈائریکٹریٹ جنرل آف سول ایوی ایشن) نے بوئنگ 737 جہازوں پر پابندی عائد کرنے کا فیصلہ کیا تھا۔ ہندوستان میں اسپائس جیٹ کے بیڑے میں 8 بوئنگ 737 میکس جہاز ہیں۔ اسپائس کے علاوہ صرف جیٹ ایئرویز ہی ملک میں بوئنگ 737 میکس جہازوں کا استعمال کرتی ہے۔

غور طلب ہے کہ ایتھوپیا کے ادیس ابابا میں ایک مسافر بردار بوئنگ 737 جہازحادثہ کا شکار ہو گیا تھا۔ اس طیارہ حادثہ میں سوار تمام 157 مسافروں کی موت ہو گئی تھی۔ اس سے قبل انڈونیشیا میں اکتوبر 2018 میں بھی بوئنگ 737 جہاز حادثہ کا شکار ہوا تھا، اس میں 189 لوگوں کی جان چلی گئی تھی۔

ایک نظر اس پر بھی

سبزی باغ پٹنہ کا احجاج 38ویں روز بھی جاری، ’سی اے اے سے ملک کا صرف نقصان ہوگا‘

 سی اے اے این آر سی او ر این پی آر کے خلاف دار الحکومت پٹنہ میں مسلسل 38ویں دن بھی دھرنا و احتجاج جاری ہے۔ شاہین باغ کے بعد سبزی باغ دھرنے کا آغاز ہوا تھا اور مسلسل 38 دن سے دھرنا و احتجاج جاری و ساری ہے۔

ترکی: بغاوت کے الزام میں 101 فوجی افسران کے وارنٹ گرفتاری جاری  

ترکی میں 2016 کی ناکام بغاوت کے الزام میں مزید 695 افراد کو حراست میں لینے کا حکم نامہ جاری کر دیا گیا ہے۔ جس میں 101 حاضر سروس فوجی افسران بھی شامل ہیں۔خبر رساں ادارے نے ترکی کے سرکاری خبر رساں ادارے کے حوالے سے بتایا ہے کہ حکومت نے 157 فوجی افسران کے وارنٹ گرفتاری بھی جاری کیے ہیں، جن ...

  اور اب کرونا وائرس سے ہلاکت 1868 سے پار !!! متاثرہ افراد کی مجموعی تعداد 72 ہزار 436 تک پہنچی

چین میں کرونا وائرس سے مزید 98 افراد کی ہلاکت کے بعد اس وائرس سے مرنے والوں کی مجموعی تعداد 1868 ہو گئی ہے۔چین کے محکمہ نیشنل ہیلتھ کے مطابق منگل تک کرونا وائرس کے مزید 1886 نئے کیسز سامنے آئے ہیں۔ وائرس سے متاثرہ افراد کی مجموعی تعداد 72 ہزار 436 تک پہنچ چکی ہے جن میں بیشتر کا تعلق صوبہ ...