سرسی میں رات کو دو گروپوں کے درمیان ہاتھاپائی کے بعد ایس ڈی پی آئی ممبر کی نعش برآمد

Source: S.O. News Service | By I.G. Bhatkali | Published on 24th April 2019, 7:53 PM | ساحلی خبریں |

بھٹکل 24/اپریل (ایس او نیوز)  ضلع اُترکنڑا کے سرسی میں  ایس ڈی پی آئی ممبر اسلم باباجان (22) کی نعش آج بدھ صبح برآمد ہونے کے بعد  علاقہ میں کشیدگی پھیل گئی جس کے بعد علاقہ میں پولس کی زائد فورس تعینات کی گئی ہے۔

ذرائع سے ملی اطلاع کے مطابق  کل منگل کو انتخابات کے  اختتام کے بعد رات  قریب 9:30 بجے  اسلم  گھر سے باہر اپنے کسی دوست سے ملنے کے لئے نکلا تھا، مگر آج صبح اس کی نعش  کستوربا نگر  کے ایک کھلے میدان میں پائی گئی ۔

ذرائع کے مطابق  منگل اور بدھ کی درمیانی شب کو بی جےپی (یوا مورچہ) کے کارکنوں اور ایس ڈی پی آئی ممبران کے درمیان کسی بات کو لے کر کستوربا نگر میں  جھڑپ ہوئی تھی جس میں بی جےپی (یوا مورچہ) کے  صدر انیس تحصیلدار پر چاقو سے حملہ کیا گیا تھا، انیس کو زخمی حالت میں مینگلور اسپتال  منتقل کیا گیا تھا اور جائےوقوع پر فوری طور پر پولس پہنچنے کے بعد حالات  کو قابو میں کئے جانے کی بات  کہی گئی تھی۔ مگر آج صبح اُسی علاقہ سے  اسلم کی نعش پائی گئی جو خون میں لت پت تھی۔ قریب ہی  لوہے کی سلاخ بھی پڑی ہوئی پائی گئی  جس سے  پتہ چلا  کہ اسلم کے سر پر لوہے کی سلاخ سے حملہ کیا گیا تھا، جس کے نتیجے میں اس کی موت واقع ہوئی ہے۔

صبح اسلم کی نعش برآمد ہونے کے بعد علاقے میں سراسیمگی پھیل گئی ، اطلاع ملتے ہی  کاروار سے ایس پی مسٹر ونائک پاٹل جائے وقوع پر پہنچ گئے اور حالات کا جائزہ لیتے ہوئے چھان بین شروع کی۔

بتایا گیا ہے کہ نعش کو سرسی اسپتال میں پوسٹ مارٹم کے بعد شام کو  لواحقین کے حوالے کی گئی ہے، رات کو ہی تدفین ہونے کی توقع ہے۔

ساحل آن لائن سے فون پر گفتگو کرتے ہوئے ایس پی مسٹر ونائک پاٹل نے بتایا کہ اسلم کے ساتھ اُس کے دو ساتھی بھی تھے، جو واقعے کے بعد سے لاپتہ ہیں، اُن سے پوچھ تاچھ کے بعد ہی معلوم ہوسکتا ہے کہ قتل  کیسے ہوا، کیوں ہوا اور کس نے کیا۔ انہوں نے یہ بھی بتایا کہ ابھی  مینگلور اسپتال میں ایڈمٹ انیس تحصیلدارسے بھی  پوچھ تاچھ کرنی ہے اور اس کے ساتھیوں سے بھی  پوچھ تاچھ کرنا باقی ہے، جس کے بعد ہی معاملہ صاف ہوگا کہ آیا رات کو دو گروپوں میں جو جھگڑا ہوا تھا وہ جھگڑا کس بات کو لے کر ہوا تھا اور کیا  اُسی کے نتیجے میں اسلم  کا قتل ہوا ہے یا اس کا قتل کسی اور  وجہ سے ہوا ہے۔ ایس پی نے بتایا کہ اس تعلق سے سرسی پولس تھانہ میں دو الگ الگ معاملات درج کئے گئے ہیں  اور پولس مکمل جانچ کررہی ہے۔ ایس پی نے بتایا کہ سرسی میں حالات بالکل پرامن ہیں ۔

ایک نظر اس پر بھی

بھٹکل میں بجلیوں کی چمک اور بادلوں کی گرج کے ساتھ موسلادھار بارش؛ بینگرے میں ایک گھرکو نقصان، ماولی میں الیکٹرانک اشیاء جل کر راکھ؛ الیکٹرک سٹی سپلائی بری طرح متاثر

آج منگل دوپہر کو ہوئی موسلادھار بارش اور بجلیاں گرنے سے ایک مکان کو نقصان پہنچا وہیں دوسرے ایک مکان کی الیکٹرانک اشیاء جل کر خاک ہوگئی۔

بھٹکل: جے این یو کے لاپتہ متعلم نجیب احمد کو ڈھونڈ نکالنے  اور اُس کے ساتھ انصاف کرنے  کا مطالبہ لے کر ایس آئی اؤ آف انڈیا کا ملک گیر احتجاج : بھٹکل اسسٹنٹ کمشنر کو بھی دیا گیا میمورنڈم

15اکتوبر 2016کو جواہر لال یونیورسٹی میں ایم ایس سی کےفرسٹ ائیر میں زیر تعلیم نجیب  احمد یونیورسٹی کے ہاسٹل سے لاپتہ ہوئے تین سال ہورہےہیں ،گمشدگی کی پہلی رات کو ہاسٹل میں اے بی وی پی کے کارکنان نے حملہ کیا تھا، مگر اس معاملے میں ابھی تک کوئی پیش رفت نہیں ہونے پر اسٹوڈنٹس اسلامک ...

بھٹکل کے اسسٹنٹ کمشنر ساجد ملا کا تبادلہ :ایماندار آفسران کے تبادلوں پر عوام میں حیرت ؛کے اے ایس آفیسر  اے رگھو ہونگے نئے اے سی

بھٹکل کے اسسٹنٹ کمشنر ساجد ملا کا تبادلہ کرتےہوئے ریاستی حکومت نے حکم نامہ جاری کیا ہے، ساجد ملا کے عہدے پر کے اے ایس جونئیر گریڈ کے پروبیشنری افسر اے رگھو کا تقر ر کیاگیا ہے۔ اس طرح تعلقہ کے اہم کلیدی عہدوں پر فائز ایماندار افسران کے تبادلوں کولے کرعوام تعجب کا اظہار کیا ہے۔

محکمہ جنگلات کے افسران کے خلاف بھٹکل پولس اسٹیشن کے باہر احتجاج؛ اے ایس پی کو دی گئی تحریری شکایت

جنگلاتی زمین کے حقوق کے لئے لڑنے والی ہوراٹا سمیتی کے کارکنان نے آج بھٹکل ٹاون پولس تھانہ کے باہر جمع ہوکر محکمہ جنگلات کے اہلکاروں کے خلاف کاروائی کرنے کا مطالبہ کرتے ہوئے احتجاج کیا اور بھٹکل سب ڈیویژن کے اسسٹنٹ ایس پی  کے نام میمورنڈم پیش کیا۔ 

ضلع شمالی کینرا میں آج بھی 24ہزار خاندان گھروں سے محروم ! کیا آشریہ اسکیم کے ذریعے صرف دعوے کئے جاتے ہیں ؟

حکومت کی طرف سے بے گھروں کو مکانات فراہم کرنے کی اسکیمیں برسہابرس سے چل رہی ہیں۔ اس میں سے ایک آشریہ اسکیم بھی ہے۔ سرکاری کی طرف سے ہر بار دعوے کیے جاتے ہیں کہ بے گھروں اور غریبو ں کا چھت فراہم کرنے کے منصوبے پوری طرح کامیاب ہوئے ہیں۔

بھٹکل کے آٹو رکشہ ڈرائیور بھی ایماندار؛ بھٹکل میں تین لاکھ مالیت کے زیورات سے بھری بیگ لے کر رکشہ ڈرائیور پہنچا پولس اسٹیشن

  بھٹکل میں  راستے پر  کوئی  قیمتی چیز کسی کو گری ہوئی ملتی ہے  تو اکثر لوگ  اُسے اُس کے اصل مالک تک  پہنچانے کی کوشش کرنا عام بات ہے،  بالخصوص مسلمانوں کو راستے میں پڑی ہوئی  کوئی قیمتی چیز مل جاتی ہے تو     لوگ یا تو خود سے سوشیل میڈیا  میں پیغام وائرل کرکے  اُسے اُس کے اصل ...