بھٹکل کے کونار میں بارش کے نالے میں غرق ہوکر لاپتہ ہونے والے شخص کی نعش برآمد
بھٹکل 15/اگست (ایس او نیوز) تعلقہ کے کونار دیہات میں کل منگل کو ایک شخص نالے میں گرکر لاپتہ ہوگیا تھا، اُس کی نعش آج متعلقہ نالے سے برآمد کرلی گئی ہے۔
بتایا گیا ہے کہ راجو گونڈا (32) کونار کے ہڈلور میں منگل صبح کھیتی باڑی کے لئے گھر سے نکلا تھا، مگر زوردار بارش کے دوران بارش کے ہی پانی سے بھرے ایک نالے میں گر کر لاپتہ ہوگیا تھا۔ آج اُس کی نعش اُسی نالے سے نکالی گئی ہے۔
بھٹکل سرکاری اسپتال میں پوسٹ مارٹم کے بعد نعش گھروالوں کے حوالے کی گئی ہے۔
بھٹکل مضافاتی پولس تھانہ میں معاملہ درج کیا گیا ہے۔